[غيم تايه]

المشاركة الأصلية كتبت بواسطة aso0 السلام عليكم انا اختبرت قدرات الجامعيين وجبت 63 بس للأسف اذا لازم اكمل ماستر تكون الدرجه فوق 65 المهم ابي مساعدتكم بالله بخصوص الجزء الكمي واللفظي يعني وش اركز عليه اكثر شيء من المسائل !! ووش الاسئله الجديده بقياس هالأيام ؟ عشان اقدر ارفع درجتي ع الاقل خصوصاً الجزء الكمي هو اللي مجنني :"( بس أبيكم تفيدوني وتذكرولي الأهم وكيف كانت مذاكرتكم له ! واكون ممتنه لكم ربي يرزقكم ويوفقكم ويحقق احلامكم يارب

وعليكم السلام ورحمة الله وبركاته...


اسئلة المقارنات وهذه تعتمد على الكسور .. واجراء العمليات الحسابية يعني ابدئي بفك الاقواس ثم الاس ثم الضرب ثم القسمة ثم الطرح ثم الجمع هكذا
امر اخر اسئلة وانتي تقرئي اوجدي لك طريقة مثلا محمد يملك ضعف ما لدى خالد وعلي.. وخالد يملك نصف مالدى سلطان .. سلطان اقل من محمد بالنصف ..
واعلى من هيثم بالربع .. هيثم يملك اقل مما لدى خالد .. من اعلى واحد فيهم .. انتي إذا قراتي اكتبي خالد وعلامة معينة ثم اسم فلان وفلان .. ثم الثاني ونفس الاشارة تكون
دلالة على ما يملكه ويستحسن اشارة الاكبر والاصغر .. ثم تقدري تحددي نتيجة المطلوب بسهولة.. إذا اعطوك مسألة فيها اختيار بين قيمتين احدهما رقم 1 والثاني عملية تكسير
انصاص وكذا بالغالب يكون الناتج التساوي .. فيه اسئلة التناظر البصري ..

استيعاب المقروء والكلمات في المربعات .. والكلمات التي توجدين العلاقة بينها التناظر اللفظي .. هذه اضمنيها .. مثل اسمك ايضا مهمة جدا تضمنين البيانات لأنها تكون واضحة وسهلة
لكن ركزي لا يغرك لو اعطاك اوجد السنة التي كانت فيها الصادرات اقل .. وتشوفين البيانات هذا يفرق عن هذا وتتوقعي من الشكل انه هو اكثر شيء لالا انتبهي للفارق بالارقام ..

فيه نقطة مهمة جدا خليها في بالك تماما .. لا تحاولي توقفي وتجيبي النتيجة احيانا تصلي للحل لكن ما يكون مثل الموجود ولكن اختاري الاقرب ..
فيه شيء يجي بكثرة وهي النسب بمعنى فصل فيه عدد الناجحين 5: 7 .. وعددهم 45 اوجد عدد الناجحين ؟ اضمني هذه العينة يعني لو تجمعيها بيكون 12 يعني كل 12 طالب فيهم
خمسة ناجحين وسبعة راسبين .. احسببيها بالطريقة الاسهل لك ..

فيه اسئلة شكل يحتوي على مجموعة مثلثات او مربعات .. والسؤال كم عدد المربعات او المثلثات .. والخيارات 9 ، 12 ، 17، 24
إذا عديتي الاشكال ووصلتي إلى 18 متأكدة من هذا الرقم لا تقعدي تعدين خلاص حطي 24 وروحي اهم شيء انك واثقة تماما انك تجاوزتي 17
ولو تشابه الأمر عليك وعجزتي حيل لكن وصلتي في العد إلى 13 او 14 وعجزتي تماما اختاري 17 .. وهكذا لكن اجتهدي بتجيك هذه الأسئلة متأكد من ذلك .


الاشكال التناظرية لازم تجدي شيء يجمعهم حركة معينة شكل معين .. ومن خلالة تمشي للشكل الثاني ثم الثالث حتى تصلي لما سيكون عليه ..
مهم جدا مسألة الاحتراز اثناء قراءة استيعاب المقروء .. وعلى فكرة ايضا التناظر اللفظي بيكون صعب شوي ..

اهم نقطة اوصيك بها .. وخليها في بالك تماما .. إذا اختبرتي لا تتوقفي كثير عند مسألة ما بتحليها او ما عندك ابجديات حلها .. او حتى قادرة تحليها لكن متعقدة منها خصوصا
اللي تجيك ضرب مجموعة كبيرة من الأعداد .. اي سؤال اي سؤال اكرر للأهمية اي سؤال ضعي له اجابة اي اجابة اجتهدي خمني الأغرب واختاريه ..
وروحي في الاجابات إذا كان معك وقت بترجعي للمراجعة وبتمرين عليه تاخذي فيه باقي الوقت إذا روح الوقت ما انتي خاسرة لأنك مخمنة وبيكون تتمني لو ربع دقيقة تختاري عشوائي
قضية بخليه وارجع له لا تفكري فيها الا ضعي اجابة ثم ارجعي له لو فيه وقت ..

اعتذر منك لو نسيت شيء لكن اتمنى لك التوفيق واجتياز الاختبار بما يسر خاطرك .. نركز شوي نركز شوي نجيب بإذن الله الدرجات الحلوة ..

بالتوفيق"""