 الف مبروووك اولا
وعقبال الوظيفه المرموقه إن شاء الله
الله يبارك فيك ومبرووك التخرج والله يرزقنا أجمعين بالوظائف المرموقة يا رب
كم سؤال عندي أبي تجاوبون عليها
عسى تكون حافز لنا
لأنا بصراحه نعاني من نوبه احباط هالأيام
1- كم فصل وسنه استغرقت في الدراسه
أنا عن نفسي 10 أترام وواحد منهم صيفي
2- الى اي مدى تحس أنك متقن القراءه والاستماع والتحدث!يعني بروفيشنال!والا كيف!
والله الحمد لله أنا من قبل ما أدخل التخصص كان مستواي متوسط لكن لمن تخصصت تحسن مستواي ولله الحمد بالمجهود الشخصي وليس عن طريق المناهج لأن المناهج ما تعلمك إلا لغة أكاديمية ما تفيدك في حياتك في نظري ..القراءة والاستماع والكتابة الحمد لله تمام وأما التحدث الحمد لله تحسنت كثير فيه لأني زمان كنت لما أجي أتكلم أفكر بس ذحين الحمد لله تخلصت من هذي المشكله ولو اني لسه ما وصلت لسه لمرحلة التحدث بطلاقة زي أصحاب اللغة 😎
3- معدلك لاهنت
4.43 بعد طلعت الروح الحمد لله على كل حال
4- كم مره حملت مواد!
كنت رح احمل مادة الريدنق 1 بس الحمد لله نجحت ع الحافة وعرفت معنى النجاح بالستين حاف وعلى قولة مدري مين "ترا طعم النجاح بالستين في المواد الصعبة زي طعم النجاح ب a+"
5- كم اكثر مره حملت ماده وحده وكررت الرسوب فيها!
الحمد لله ولا مرة وعلى فكرة ترا كنت حذرة في اختيار المواد أثناء الحذف والاضافة وكنت أجي هنا أسأل صاحبات الخبرة جزاهم الله خير ولهم الفضل بعد الله في سهولة مرور الأترام ..
6- هل جات لحظه عصيبه فكرت تحول من هالقسم!متى!وكيف تغلبت على هالهواجيس!
ايوا طبعا والعياذ بالله 😅😅 أول ترم في مادة الريدنق 1 في أول اختبار واجهته انصدمت من صعوبة القطعة اللي جاتنا كانت جدا علمية لدرجة اني كنت أحل بالتخمين من درجة الصعوبة وخرجت من الاختبار مصدومة وكنت أكلم نفسي وأقول معدلي عز الله طار مع هالتخصص أنا لازم أحول وشافوني زميلاتي اللي معايا في الشعبة وهدوني الحمد لله واكتشفت انو الكل يعاني من هذي المادة مش بس أنا وصاحباتي كمان في التخصصات الثانية ما قصروا كمان رجعوني لعقلي وذكروني كيف كنت أتمنى اني اتخصص انجلش وكنت ماخذة الموضوع تحدي واصرار والحمد لله أنا بفضل الله ثم بفضل كل من ساعدني قدرت اجتاز التحدي
7- في اي مستوى ارتحت نفسيا وحسيت أن التخرج صار قريب!
والله هذا التخصص بالنسبة لي عبارة عن حرب من أوله إلى آخره وعلى فكرة في آخر ترم حسيت نفسي زي كأني داخله سباق ولما قربت من خط النهاية وبديت أشوفه نصب عينيّ بديت أحس بالتعب والارهاق من طول المسافة وهذا اللي خلاني أقصر في الاجتهاد شويتين!
8- هل هناك بوادر وظيفه!وخصوص المنتسبين!
بالنسبة للبنات فيه وظايف كثيرة لكن على حسب البنت وأهلها عاوزين ايه
وبالنسبة للوظايف التعليمية خصوصا ياكثر المدارس الأهليه اللي تبغا معلمات لغة انجليزية بس عليهم شروط تعجيزية حبتين
يبغون مهارات التعليم الحديثة واستراتيجيات التعليم اللي المعلمين والمعلمات لازم يتبعوها وعايزين كمان تفاعل ولغة جسد ونشاط وكذا
9- هل باقي عندك حماس تواصل دراسات عليا ! والا يالله الخراج بس!
والله اذا لقيت وظيفتن سنعة وراتبها زين وتسمح اني اكمل دراسة ليش لا بس المشكلة في النسب الموزونة يالطيف عالية فوق جدددا
قريت آخر نسبة موزونة انقبلت للبنات لهذي السنة ماجستير انجليزي كلية الآداب 89 .. هذي من فين أجيبها طال عمري؟!💔
10- هل انت منتسب او منتظم!
منتظمة
والف مبرووك مره ثانيه
|
الله يبارك فيك ويبارك لك تخرجك وتخرج كل الخريجين والخريجات
ألف مبروك للجميع والله يوفق الجميع وعقبال ان شاء الله الطلاب والطالبات يتخرجون بالمعدلات العالية ان شاء الله