عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 04-07-2009, 02:11 PM   #5

عندي سؤال

i'm live with hope

الصورة الرمزية عندي سؤال

 
تاريخ التسجيل: Jun 2009
التخصص: دراسات الطفولة
نوع الدراسة: إنتظام
المستوى: متخرج
الجنس: أنثى
المشاركات: 227
افتراضي رد: للخريجين متى موعد تسليم وثائق التخرج هذا الترم ؟

المشاركة الأصلية كتبت بواسطة hayat مشاهدة المشاركة
نفس السؤال بس للبنات
التاريخ موجود في تقويم الجامعة
25/07/1430 28/08/1430
أما فين تروحي أسمعي يا قلبي

المفروض إنك تكوني أخذت من بداية الترم ورقة إنك خريجة من المركز الشامل تحطي فيها بياناتك عشان تسلميها للمشرفة عنك في قسمك عشان تتطابقها مع كشف درجاتك حركات زي ده
وكمان ورقة ثانية فيها تعهد تكتبي فيه اسمك الرباعي بالانجليزي صحيح عشان هو ده اللي يعتمدوه في الوثيقة أما إذا عندك جواز سفر خلاص جيبي صورة منه وما تحتاجي ورقة التعهد

بعدين بعد ما تتنجحي وتطلع كل درجاتك وناجحة << مبروووووووووك

تروحي يوم 25/7
المركز الشامل تلاقي نموذج هم حاطين على الطاولة ورقة إخلاء طرف
وحسب البيانات اللي فيها

إذا كانت زي السنة اللي فاتت ما اتغيرت
يصير
أول شي هي مقسمة كل مجموعة بيانات في مربع لحالي
أول مربع تكتبي فيه بياناتك
بعدين تاخذي الورقة دي وتروحي على المكتبة المركزية من عند قسم الاعارة على يمينك على طول تختم الورقة
تروحي بعدين على شؤون الطالبات غرفة 32 وغرفة 18
بعدين تروحي الشؤون التعليمة في قسمك
وبعدين ترجعي المركز الشامل تلاقي أول شباك تعطيهم الورقة
وتستني دورك
وتعطيها بطاقتك وتاخذي ملفك فيه كشف الدرجات والوثيقة وأوراق الثانوية
وبس


لا مو بس
روحي المكتبة المركزية انسخي كم صورة من الوثيقة ومن كشف الدرجات
وارجعي للمركز الشامل مو عند الخدمات الطلابية تختم لك إنها نسخة مطابقة للأصل
وبس



لا مو بس
إذا كان درجات آخر مستوين امتياز
روحي شؤون الطالبات عند مكتب المكافأت وأعطيها نسخة من كشف الدرجات مطابقة للأصل
وتسجلي بياناتك
وبس

وفي نهاية الترم تروحي تستلمي الشيك
وتروحي مكتب المتفوقات برضوا مع كشف الدرجات مطابقة للأصل اعتقد
عشان تستلمي شهادة التفوق وبطاقة التفوق

وخلااااااااااص تعبت وأنا استرجع الذكريـات

وللمعلومية تقدري تاخذي نسخة أصلية تانية من كشف الدرجات
تدفعي في البنك قيمة النسخة ما اتذكر كم <أسألي عند المركز الشامل
وتجيب سند الايداع للمركز الشامل يعطوك نسخة تانية أصلية من كشف الدرجات

وبسسسسسسسسس

أتمنى أكون أفدتك

وبالتوفيق

 


التعديل الأخير تم بواسطة عندي سؤال ; 04-07-2009 الساعة 02:14 PM.
عندي سؤال غير متواجد حالياً