عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 05-07-2008, 07:57 AM

samara samara غير متواجد حالياً

Samara

 
تاريخ التسجيل: Jul 2008
التخصص: English Literature
نوع الدراسة: انتظام
المستوى: الثامن
الجنس: أنثى
المشاركات: 46
Thumbs up طالبات قسم الانجليزي ياليت يتفضلوا ضروري والباقي برا ههههه


السلام عليكم ورحمة الله وبركاته

بسم الله الرحمن الرحيم


إلى أي دكتور أو أستاذ أو طالب أو طالبة <<<<< طولتها وهي قصيرة نقرتين لعرض الصورة في صفحة مستقلة إلى منسوبي الجامعة

في قسم اللغات الأوروبية ياليت بعد ماتقرو دا الكلام وتكتبو المؤيد والمعارض لكلامي عادي ما في زعل

لو انتقدتوا كلامي إحنا عندنا بعض الأستاذات و الدكاتر يبغونا نكون بلابل باللغة وإذا اتكلمنا أو شاركنا

بالمحاضرة وغلطنا غلطة يقعدوا يستهزؤا فينا ويحتقرونا مما يسبب لنا الإحبــــــــــــاااااااااااط إحنا دخلنا القسم دا عشان

التخصص مو معهد لغة وإحنا عارفين فلازم يساعدونا ويرفعوا من معنوياتنا ولو أخطأنا يصححوا خطأنا

بأدب وعدم استهزاء هم بيقولوا ياطالبات ساعدونا بالمذاكرة والمشاركة والاجتهاد طيب هم كمان يساعدونا

لأن مو كل الطالبات متخرجات من ثانوية عالمية أو من مدارس خاصة البعض بل الأغلبية من مدارس

حكومية يعني ما حنكون perfect

و نتمنى إنهم ماينسوا نفسهم أكيد كانوا بيغلطوا واتعلموا ولا يقارنونا بمستواهم التعليمي هم درسوا وانتهوا

والإنسان مايولد متعلم

وعندنا دكاترة أسلوبهم استفزازي واستهزاء بالطالبات وعلى مادرسونا بالمدارس ونسمعه دائما

إن الأدب والأخلاق قبل العلم ....... إيش الاستفادة من شهادة دكتوراة وصاحبتها سيئة الأخلاق

مما يضطروا الطالبات يدعوا عليها ودعوة المظلوم مستجابة ودا أضعف شي يقدر الطالب ياخذ فيه حقه

وبصراحة دائما الطالبات يشتكوا من دكاترة وأستاذات مواد الأدب أكثر من أستاذات اللغويات

أحس التعامل معاهم صعب وشديدات إلا القلة القليل منهم وإلى الآن الكل يمدح ويحب د. صفاء منصوري

و د. رابعة الخطيب

لأنهم بجد يعاملونا كبناتهم وليس طالباتهم يشوفوا إيش يناسبنا إيش نحتاج يساعدونا في تأجيل امتحان إذا وجد

ظرف للطالبات مو زي بعضهم أعوذ بالله من شياطينهم أحس شياطينهم قوية الله يكفينا شرهم ويعطينا

خيرهم ........ ونتخرج من بين أياديهم بأمن و أمان <<<< أحس إني ببرنامج أمن و أمان

لا بجد الدكتورتين دولا تعاملهم راقي لائق عليهم لقب دكتورة ولو علي بروفيسورات أسلوبهم راقي وحكيم

الله يحفظهم ويوفقهم يارب ....... بصراحة أنا مدحت د. صفاء لأني درست معها مرتين لكن د. رابعة

من كلام أختي درست معها ومن كلام الطالبات ..... سبحان الله سيماهم في وجههم الواحد يبان من وجهه

المهم معليش طولت عليكم بس أتمنى تعطوني رأيكم بصراحة يا طالبات ...... وهل كلامي صح أم خطأ؟

وأتمنى من شاف رسالتي دي يوصلها لغيره .... لين توصل للدكاترة والأستاذات

وبالله توفيق

سبحانك اللهم وبحمدك أشهد أن لا إله إلا أنت أستغرفك اللهم و أتوب إليك

التعديل الأخير تم بواسطة samara ; 05-07-2008 الساعة 08:17 AM. سبب التعديل: أخطاء إملائية
رد مع اقتباس