السلام عليكم ورحمة الله وبركاته
اختبار الريدنق 1 lane212
الاختبار ماكان مناسب أبدا للوقت ومو مناسب لمستوى اول
الاختبار كان موضوعين
الاول عن احياء الفقيرة ومعاناتهم مع توفر الاطعمه في تلك الاحياء
كان صفحه كامله وعليه اسئله
السؤال الاول حددي انسب عنوان للقطعه وعطتنا خيارات
والقطعه القانون عن امراض وراثيه
وعليه أسئلة واختياري وصح وخطاء
بعد كذ عطتنا الفوكابلري عليه 40 درجه
للقطعه الاولى أخذت منى مايقارب الساعه
يوم شفت الوقت بدا ًًيخلص رحت احل الفوكابلري
بقى لي نصف ساعه والقطعه الثانيه أطول صفحه وربع
من كثر خوفي الوقت لا يخلص توترت حيل وتشتت فكري
صرت اقرأ القطعه بدون تركيز فكان الحل عشوائي
وخلص الوقتوانا مقهورة ونفسيتي تعبانه
كتاب الريدنق بكبره ماجت منه كلمه وحده
ولمن سالت أستاذه آلاء المحمدي قالت وش الفائده اجيبلكم من الكتاب
وقالت ان الوقت في نظرها كان كافي
لكن الواقع غير كذا االقطع طويلة والوقت قصير
مايتناسب مع طالبات مستوى اول
لكن في اعتقادي ان منهجية وضع الأسئلة عند اعضاء التدريس في قسم اللغات
مقصودة تكون بالطريقة هذه عشان يعملون تصفية للطالبات من البداية
واللي مو قد اللغة يحول من اول مستوى هذه الرساله اللي يبون يوصلونها في الاخير
ولمن كلمت أستاذه آلاء المحمدي قلت لها هذه أسئلة ناس بروفاشنل في التخصص
قالت فعلا اللي موقدها عنده وقت يحول
من المفارقات المضحكه اثناء الاختبار
المراقبة في اخر نص ساعه ازعجتنا انه الوقت بيخلص
وأنها مستعجله عشان سيارتها تنتظرها خارج الجامعه
فصارت تستعجلنا
غير الإزعاج اللي برا القاعه اللي زود الطين بله