عذرا..ولكن ...
السلام عليكم ورحمة الله وبركاته
عذرا عما سيقال
ولكن الى متى السكوت
امس في اختبار (الكرتسزم) اسفه اني اقول اسم المادة
ولكن الاستاذة اللي جنت واتصرفت على مرأى ومسمع جميع الطالبات
المهم الاستاذة الفاضلة في الدقايق الاولى من الاختبار قالت فين فلانة
البنت كانت في نهاية القاعة
المهم اشرت عالبنت وقالت تعالي هنا قدام اول صف عشان تكوني تحت ال(
observation
وتكوني عبرة لغيرك اللي يفكروا يغشوا
المهم مشيت البنت وانظارنا كلنا عليها الين وصلت الصف الاول بالاضافة لهمس البنات
وطبعا الاستاذة تهدد البنت تقولها وريني سوي كدا تاني الحركات دي ماتمشي عليا
المشكلة مو في البنت . البنت يمكن غشت في اختبار تاني او نفس الاختبار في الدوري الله اعلم بس يمكن البنت تابت وربنا تاب عليها
المشكلة في الاستاذة تصرفها مساوي للبنت ويمكن عند الله اكبر
فضحت البنت قدام خلق الله ونسيت انه من ستر على مسلم ستر الله عليه في الدنيا والاخرة
وبعدين في قوانين وانظمة مفروضة من الجامعة تقدر تطبقها عالبنت مافي قانون اسمه الاشهار بالبنت
هل تنفع استاذة تتصرف تصرف زي دا تكون مربية اجيال
الاستاذة مربية مو بس معلمة
عذرا اني كتبت الموضوع
ولكن الوضع مزري وكثير من الاستاذات نسيوا انه الدين االمعاملة
التعديل الأخير تم بواسطة Ro0oda ; 03-02-2010 الساعة 01:02 PM.
|