[Fatema Alshareef]

ماهو تخصصك الحالي؟علم النفس
2- ما هو سبب تخصصك في
ذا القسم؟
بصراحه انا كانت عندي رغبه شديده من انا في الثانوي وحابه هذا القسم وحابه كمان اقرأ عنو كتب ودخلته بتوفيق ربي ولله الحمد.
3- ما هو المستوى الدراسي لك؟ حاليا مستوى رابع وع الترم الجاي اصير مستوى خامس.
4- ما هي أفضل طريقة لأخذ المواد التخصصية برأيك؟انا كنت دايما استشير استاذاتي عن افضل طريقه وكلهم كانوا يقولولي نفس الكلام وهو انك احسن شي تمشي ع الخطه عشان ما تتوهقي ع الأترام الأخيره وتجبري ع أخذ مواد انتي أخذتيها وهذا فعلا حصل لبعض زميلاتي.
5- ما مدى صعوبة أو سهولة القسم ؟ بصراحه اذا كنتي حابه القسم حا تشوفيه سهل وممتع ونا عن تجربتي لأني اعشق قسمي مستمتعه فيه بالمره وطبعا اكيد في بعض المواد تجيكي شويا مو مفهومه وفيها يعض التعقيد لكن مع اصرارك ع الفهم حاتفهميها وتستمتعي كمان بمذاكرتها.
6 - هل قد درست عند مدرس خصوصي؟ ما هي الأرقام والعناوين ؟لا ماقد حصل ورحت عند مدرس او مدرسه خصوصيه لأني احب استعين بالله ثم باستاذات قسمي في اي شي صعب عليا.
7- ما هي أفضل المواقع/ الكتب التعليمية والتي ساعدتك إثناء الدراسة؟ انا ما ادخل ع مواقع محدده بس دايما ابحث عن اي موضوع يحيرني وابغى اعرف عنه كثير ومن الكتب اللي ممكن تنفع بالقسم هذا كتاب المفاتيح العشرة للنجاح..ابراهيم الفقي وكتاب أيقظ قواك الخفية..أنتوني روبنز
8- ما هو المستقبل الوظيفي لتخصصك من خلال خبرتك؟ طبيبه نفسيه طبعا بعد الحصول ع الدكتوراه بإذن الله. نصيحه ودرس تعلمته ؟ اول حاجه انصح كل من لديها طموح لدخول هذا القسم ومتردده بسبب كلام من حولها عن انه قسم تافه اولا يدخله الا المرضى انصحها بالمضي نحو طموحها ولا تتردد لأنه لولا عظمة هذا التخصص وأهميته لما الفت فيه الكتب وتخرج منه العظماء والعلماءوفتحت له المؤسسات التعليميه قسما يختص به.
والشي التاني انصح كل وحده بما انها دخلت هذا القسم الراقي والكبير انها تكون حريصه ع مستواها الدراسي وتكون لها بصمه في تطويره.
وبالتوفيق لكل طالب وطالبة علم نفس ولكل الطلاب والطالبات بالأقسام الأخرى.ودمــــــــــــــــــــــــــــــــــــــــتم بــــــــــــــــــــــــــــــــود.