!!::.. تشبهيـن البحـر ؟ ..::!!
تشبهين البحر ؟ قالت: أشبه البحر و تخافـه
قلت: يتشرد سنا نجمـه و لا تضمـا مرايـا .
تقربين لماه ؟ قالت: بيننـا فـرق و مسافـه !
قلت: كم يبعد سواد الرمش عن سود المنايا ؟!
يا الحبيبة : لا تلوميني علـى قـل الكلافـه
ما ذبحت الاّ الطعون و ما عزمت الاّ الحنايـا
سامحيني لو هزعت الغصن و أحزني جفافه
الظلوع اللي على خبرك على خبرك ظمايا
يومها ضاق الخيال بيمتي رفض و صلافـه
باقيٍ منـك الكثيـر و لابقـى منـي بقايـا
أدرج مثل النهار اللي لمـح ظلـه و شافـه
اطرقٍ مثل المشيب اللي غشا روس الخطايا
عاشقٍ هزة هواك و شاعرٍ ما أهتـز قافـه
قادها عيطا نشاش عضودهـا فـج و ملايـا
وين ما ريع عليه الليـل و الرمضـا خلافـه
لحف القمرى طرف بشته ونجماته عرايـا !
المهم اني عبـرت لعمر وادمتنـي ضفافـه
آآهـ يا قل الخطـا منـي و يا كثـر الرزايـا
كل ما عرج على قلبي هاك الطاري و حافـه
ساقني للموت طرف و ضحكةٍ بيـن الثنايـا
ما على حسنك كلام و لا على جرحي حسافه
ما خلق ربي جمال الا و لـك منّـه حلايـا
ايه يا ملح القصيد أنـت و يا عـذر ارتجافـه
لو عذاريبه تجيب بسيرتك صـارت مزايـا
من متى كان الخيار انتِ و كان الحلم تافـه ؟
يا بعد كـل الغيـاب و يا بعـد كـل الهدايـا
بس انا عندي سؤال ان كان مافيها كلافـه
تذكرين البحر ؟ قالت: و ألمسه بيـن الحنايـا !
~
^
مُختارة من روائع الشعر للشاعر / مساعد الرشيدي ،،
أعجبتني و حبيت تشاركونني قرائتها ،،
بالغ التقدير ،،
Logic is Logic , and Truth is Truth
Logic may contain Truth
but Truth is not always necessarily Logic
|
التعديل الأخير تم بواسطة PACIFIC OCEAN ; 04-09-2008 الساعة 01:20 PM.
|