راقت لـــــــــي كثيــــــراً
فأحببت أن تشــــاركوني
بما إستمعت بــهـ ,,,
يـا (ـــــــــــــــــــــ )أنا جيتك زبون
جيتك على مدح أكثر الناس وعنيت
جيت وتعالى الله عمّا يشركون
لولاه (ياـــــــــ) لطبك ما اهتديت
راضي بحكم الله علي مهما يكون
عالج عيوني لو بعد طبك عميت
ودي اخاشر فالبصر من يبصرون
وأشوف دربي لا سرحت ولا ضويت
والى قنصت اثبت مع اللي يثبتون
وأشوف طيري كل ما اوميت ودعيت
ياااكثر ما يضرب خويي (الطابلون)
من كثر ما أكلته مطباات وكليت
وودي أشوف اللي علي يعرضون
وبعض الليالي ودي اسري دون ليت
وأشوف ناس ٍ فالقفا ما يرحمون
إما وقفت لصاحبي وإلا مشيت
من دون نظاره ولا هم يحزنون
يااا كثر ما كسّرت كشمات وشريت
((لكنٌ يا دكتور جعلك ما تهون))
أبغيك كلمت رأس دامك ما بديت
اسمع......ولا ابغي اللي حولك يسمعون
ربي كتب يكشف لك أسراري وجيت
.................
((صورة عديل الروح عندك فالعيون))
((وأخاف تقطعها بموسك ما وعيت))
ولا عليك أمر..اطوها تحت الجفون
وعقبه لو تقطع عيوني ما شكيت
هي رأس مالي والعرب ما يدركون
أني على باب الممات و ما حكيت
.................
يا قوي قلبي يوم قفن الضعون
اللي على ذاك الموادع ما بكيت
ويا صبر صبري والعواذل يحسبون
إني دلهت من الهوى وإلا سليت
اسكت عساهم من سكاتي يسكتون
وأنا عن اللي في ضميري ما انتهيت
وأدور الفرحة مع اللي يسهرون
وان ذكروني خذت فنجال وسريت
أخذت من وقتك يا دكتور العيون
عالج عيوني لو بعد طبك عميت
واستر علي واللي معك لا يفطنون
أنت الوحيد اللي بعد ربي دريت
dd..dd
أميـــــررر ,’