[amooonaa]

واذا قلتلكم انو في اشياء كتير البنات مانوهو عنها وعلى فكره اعملو احصائه تلاقو اغلب البنات حاملين مواد

نبدا باللي بيجي في بالي اول من بعد ما انتهو

1- المشرفات الي بايتين معانا والي حضارتكم تتكلمو عنهم اسوأ من السيئات طبعا الا من رحم ربي المشرفه تدخل الغرفه كأنها ملكها وتدخل وانت موموجود وتقول ممنوع اننا ندق الباب هما على الاداريات والسيكيروتي

2- البنت الي تقول اطلبو ديليفيري ممنوع سيارة المطاعم توقف مايدخل وممنوع احد يجبلك وممنوع كل حاجه

3- الغرفه فيها 2 و 3 بنات وفي غرف 4 طبعا لاحظو الضغط وعلى فكره السرر ممنوع تتقرب حتى اختين توأم متعودين على كل شي مع بعض منعوهم خوفا من ان يفعلو شيئا خاطئ مع بعضهم ويوقولو البنات مايجيو عشان الدراسه يجو عشان القلة الحيا والفلته سبحان الله كل مين يشوف الناس بعين طبعو


4- سمحو نطبخ بالغلايه البنات عملو جروبات في الفيس وحتشوفو كيف البنات ياكلو بس معلبات اندومي واكل سريع والسيكيروتي تضحك تقول البنات يدخلو ينحاف يتخرجو كل وحده اتخن من التانيه

5- مافي عياده ولما تتفتح ساعه العصر تيجي ممرضه وبعض الاحيان دكتوره مع العلم انو مافيها حتى مقياس لدرجة الحرارة ومافي غير دوا التهاب الرئه اي وحده وجعت اعطوها هو حتى شاش مافي ونسيت اقلكم في ادول وهستوب وتعدها 3 او 4 تديكي والبنت المفروض ماتوجع الى اليومين في الاسبوع دي لما يفتحو الخرابه حقتهم

6- الكباسات في الحمامات والسخانات مصديه والمويه بدون مبالغه تفتحها اكتر من 5 دقايق تنزل بنيه بعد ال5 دقايق نفتها تسير برتقاليه نتروش

7- الي زعلانين على الحمامات حمام شقتي القديمه حديد ومره طحت الله يكرمكم وانجرحت لأنو البنانيو من جوا مقشوووووع الحديده

8- الاداريات وعلى راسهم نجاة تقول احمدرو ربكم انو احنا قبلنا ندخلكم السكن والمديره هدى ماعندها اي اسلوب كلامها كلو زعيق واي بنت تلجألها تقول تزعق عليها بطريقه ماتشوفوها وحتى الدكتوره دلال القيعاوي توعد انها تعمل وماتعمل اي شي مع العلم انو السكن مسؤووله عنو وكلهم تفكيرهم انو البنات شاذات


9- البنات يدفعو حق نت واكل وشرب ونضافه وانا ادبي مكافأتي 800 وكتب واستحي اطلب من اهلي شي ماتكفي


10- الغسلات التلاجات الافران والغلايات كلها احنا جبناها لأنو مو موفرين غسالات واستاذه هدى عبد اللطيف تقول للدكتوره القيعاوي بكل استهزاء اسمعي يبغونا نوفرلهم غسالات مابقي غير نصرف عليهم

11- واحنا داخلين من الكليه نتفتش غير التواقيع وغير انو تيجي تلاقي غرفتك متفتشه وطبعا طريقة التفتيش معليش على الكلمه بها شئ من الاباحيه طبعا مو كل السيكيورتي البعض

12- اي سرقه تسير الاداره مو مسؤوله عنها مع العلم انهم مانعين اقفال البيبان

13- السيكيورتي كل وحده تعاملنا كأنها اعلى مننا مرتبه وانو احنا مو خايفين على نفسنا ماعادا الله يذكرها بالشهاده وحده اسمها حنان المولد قمة في الادب والاحترام والتعامل وربي البنات يشهدولها انها انسانه راقيه في كل تعاملها

14- كيابل الكهربا كلها مكشوفه والاسلاك من مبنى لمبنى موصله ولما تصب اي مطره يدخلوها عشان ضغط الكهربا والالتماس ويرجعونا كاننا غنم حتى المطر ممنوعين نتهنى في

15 - مافي اي مكان للمزاكره والبنات يزاكرو في السيب اوو المطبخ

16 - ااااااه بصراحه تعبت بس البنات عاملين قروب في الفيس لو دخلت اجيب الرابط لو اتكلم من هنا لبكره مااغلق سنه مرت حسيت اني حموت نفسيه زي الزفت ومعدلات زي الزفت وعلى فكره لما يجي الضيف تعامل الادارات يسير مره راقي فجأه ونسير بناتهم حسبي الله ونعم الوكيل فيهم