[غيم تايه]

المشاركة الأصلية كتبت بواسطة نقطة عطر السلام عليكم ورحمة الله وبركاته ابي شوركم يا اخوتي في الله انا خريجة قسم دراسات اسلامية الترم الاول 2014 كنت مفكرة اقدم دبلوم تربية الدبلوم التربوي واكمل المسيرة المعتادة بس مريت ع ماجستير الادارة عامة شفت الخطة ووقعت في غرامها لقيت نفسي في التخصص ويني عنه من زمان الزبدة :- معدلي 3.82 قدرات 69 حسبت النسبة الموزونة حسب ماذكر احد الاعضاء طريقتها وطلع لي 60 بدون ال 10٪ حقة الكلية درست دورة كامبرج وباقيلي استلم الشهادة وبدرس ان شاء الله اللغة الانجليزية بهالصيف خبرة عمل 8 شهور مبيعات غير الدورات وورش العمل مدري من اسأل ومين استششير ماعندي غيركم من وجهة نظركم في امل انقبل او لا ؟!! مابغا اعلق نفسي في شيء مستحيل بس اذا في امل ممكن اتحمل واجازف قرأت انو اخر نسبة قبلت للبنات 89.8 هذا الشيء حطمني بالرغم من حماسي الكبير بس اصبر نفسي باني ممكن اعيد اختبار القدرات واجيب درجة ترفع النسبة ولو مثلا فكرت اشتغل قبل التقديم ايش الوظيفة اللي ممكن تساعد في قبولي ؟ وايش الوظايف الي ممكن اتوظفها بعد اماجستير الادارة العامة ؟ وشكرا ..

وعليكم السلام ورحمة الله وبركاته..

انصحك انك توجهي نحو الدبلوم التربية العامة وبعد ما تدرسيه،، يفتح أمامك خيارات اخرى وهي التقديم على برامج التربوي..
وهي ممكن تقبلك في ظل معدلك وقدراتك،، ويكون ايضا معك خيار التقديم على الإدارة العامة.. رغما انه بعيد عن تخصصك..
إذا الإدارة بفلوس يمكن يقبلك لأن الكثير ينسحب إذا بدأت الدراسة..
وحتى لو عدتي القدرات على النسبة المذكورة اشوف صعب تحققيها.. لكن ما فيه شيء اسمه مستحيل كل ما أمكنت ظروفك ما انتي خاسرة
شيء وإذا حصلتي على درجة عالية بتخدمك خمس سنوات قدام..
بالنسبة للوظائف اللي تخدمك في القبول اقرئي المطلوب في الشروط، اما بعد التخرج اللي اعرفه في الوظائف الإدارية تحققي المرتبة الثامنة سواء كنتي خريجة ادارة
او غيرها.. وطبعا قسم الادارة يخدم في مواقع كثيرة ، شخصيا ارجح انك ما تضيعي فرصة التقديم وتدرسي دبلوم تربية عامة،، حتى يفتح امامك تخصصات اكثر..
وبعدها تقريري،، وانتظري غيري ان شاء الله يفيدك بالافضل،،، بالتوفيق""