رد: هنا ماحدث اثناء المراجعة- نرجو من الجميع المشاركة
انا مراجعتي كانت اليوم
اللي صار ياحلوين تدخلوا اهم شي يشوفوا استمارة المراجعة عشان تدخل المبنى اصلا
بعدين يوجهوكم لغرفة للانتظار وتجي وحده تطلب الاستمارة وصورة من شهادة الثانوية وصورة من الكشف الطبي وصورة من بطاقة الاحوال وتأخذ صورة شخصية لك وتدبسها مع بعض
بعدين تنقلوا على غرفة تانية وياخدوا منك صورة تانية يحطوها في ظرف ويقولوا انتظروا
طبعا اسوأ شي الانتظااار مرررررررة تعبنا وبررررد
بعدها يقولوا قوموا عشان تكملوا الاجراءات وتروح عند وحده اعطيتها الشهادة الاصل
ختمت عليها بس ورجعتها ليا
وتروح عند وحده تانية تسألك انت اداري او علمي وتسأل كمان تبغى في السليمانية او الفرع
وتطلعلك البطاقة الجامعية ويحددوا موعد اختبار تحديد المستوى في اللغة الانجليزية وووووووبس
مبروووووووووك القبول كده صار اسمنا طالبات وطلاب جامعة من جد
توصلك رسالة عالجوال برقمك في الاودس وكلمة المرور
ارجع البيت افتحه على طووووول لان الجدول يكوون نازل والخطة الدراسية
والله يوفق الجمييييييع يااارب
دعواااتكم وربي جيت بسرررعة فتحت عشان اقولكم الاخبااار
|