رد: { يا بنات تعالو ندخل مطبخ بيتنا ونساعد بعض }
بسم الله نبدا
طريقة مكرونه باشميل بالتونه مررا طعمه
المقادير :
مكرونه اي شكل تحبي
بصلتين
2 فص توم
علبتين تونه
ذره
جزر مبشور
فلفل رومي اخضر اصفر احمر الي عندكم مقطع مكعبات
كرنب مقطع شرائح
البهارات:
ملح على حسب الرغبه فلفل اسود بهارات مشكله صلصه
الصلصه البيضه :
2 حليب سعودي كبير زيت دقيق 3 قشطه ذرة ملح
الطريقة :
اسلقي المكرونه
نجي للتونه
اول شي تحمري البصل والتوم بعدين تحطي التونه عليه وتقلبيهم وحطي البهارات خليه كدا شويه بعدين حطي الخضاروالذره الي قطعتيها وتحطي الصلصه وتقلبيهم وتخليه على نار هاديه عشان يتسبك بعدين دوقي اذا يحتاج ملح ولا لا
طريقة الصلصله البيضا:
اول شي تحطي زيت في القدير شوفي على حسب الدقيق الي بتحطيه بعدين تحطي الدقيق وتحركي واذا مسك معاك حطي زيت شويه وقلبي خليه شويه بعدين حطي الحليب وقلبي لما تشوفي كلوا انخلط مع بعض حطي القشطه وقلبي خليه على نار هاديا وهوا حيتقل حتسير الخلطه ماهي ثقيله ولا خفيقه وسط وحطي ملح كمان تقدري تحطي جبنه كاسات معاها واذا شفتيها مره خفيفه زيدي ملعقه دقيق بس
بيكون كدا خلصنا من التونا والصلصه البيضه
وانسلقت المكرونه صفيها ورجيعها في نفس القدر بعدين حطي التونه على المكرونه وقلبها مع بعض وحطيها في الصنيه بعدين حطي الصلصه البيضا فوقها ودخليها في الفرن تتحمر بس من فوق ماتحتاج بيض ولا شي من فوق حتتحمر من حالها
وسوي جنبها سلطه خضرا اوتبوله
وبالعافيه جربوهااا ها حتعجبكم ههههههههه
|