مفلوق حاولت و هذا الي قدرت عليه
اذا مافهمت اي شئ قلي و برجع اعيده
شوف اول شئ لمن يطلب نك مقلوب المصفوفه هي 3 مراحل بسيطه مرة
المرحله الاولى توجد محدد المصفوفه و المحدد سهل توجده
هو حاصل ضرب القطر الاول من المصفوفه - حاصل ضرب القطر الثان من لمصفوفه
و الناتج هو المحدد
كذا خلصنا المرحله الاولى
المرحله الثانيه و هي انك توجد مبدل المصفوفه و برضو بسيطه و سيبك من طريقه الكتاب لانها تلخبط
تبدل اماكن ارقام القطر الاول
و القطر الثان تخلي الارقام مكانها بس تقلب اشاراتهم
يعني مثلا الرقم الي يكون موجب تحطه سالب و الي يكون سالب تخليه موجب
كدا خلصنا المرحله التانيه و برضو سهله صح؟؟
دحين اخر مرحله و هي انو المصفوفه في اس سالب واحد
و هي انو نخلي في البسط رقم واحد و في المقام المحيدد و بعدين نحط مبدل المصفوفه الي طلعت معانا في المرحله الثانيه
يعني بالمختصر واحد على المحيدد ضرب مبدل المصفوفه
خلاص و كذا يطلعلك الناتج
بس ناتج ضرب عدد في عدد كسري سهل برضو
تضرب البسط في العدد و تحط ناتجه في البسط و المقام تخليه زي ماهو
بس في حالتنا هذي سهله لانو دايما البسط واحد فتحط الرقم في المصفوفه و المقام يكون هو عدد المحيدد
شوف بصور لك حلي بورقه و ركز و اي شئ ماتفهمه قلي عليه و برجع اعيده باذن الله
|