[white rose]

المشاركة الأصلية كتبت بواسطة Banana| د. صفاء المنصوري في الفكشن . خفيفة المادة معاها ماشاءالله ، وما ينشال همها . بس الشيء الوحيد اللي ماعجبني هو إنها كانت تستعجلنا في قراءة الروايات، يعني برايد آند برجدس خلتنا نقرأها في أسبوع ، مع إن عندنا مواد ثانية تحتاج مننا شغل . أ. إيمان حمزة في الدراما ممتعة ممتعة من جد ، خصوصًا إن الأستاذة ماشاءالله تشرح بإخلاص ، يعني ما انتهى الكورس إلا وإحنا فاهمين المسرحيات كلها 100% تكاليفها مو صعبة ، وأسئلتها حلوة ومن نفس الشرح . (الله يسعدها من جد) د. ناريمان المعينا في البوتري المادة هذي أكثر مادة شلنا همها ، خصوصًا إن الأستاذة تتوقع منك إنك تشتغلي عن نفسك وتذاكري مع نفسك . أسئلتها السهل الممتنع ، بس النهائي جزء الإم سي كيو كان جدًا جدًا غريب وتخرجي تلاقي كل وحدة حالة شيء مختلف ! د. مآثر الراوي ف الأبلايد بكرة إختبارنا النهائي معاها إن شاءلله ، المادة معاها خفيفة (خلال الترم ) ومتعبة منهكة قبل الاختبارات .. لأن المادة أصلًا كلها حفظ، و ثلاث أرباع الستديز اللي بالكتاب داخلة معانا .. بس الأستاذة لطيفة ماشاءالله ومو من الأستاذت اللي الواحد كذا يكش منهم

المشاركة الأصلية كتبت بواسطة عين السيح77 صبري عويضه ,,, علم الدلاله 438 +الصرف 333 سلطان الحاتمي ,,,,, اللغويات التطبيقيه 423 عبدالمجيب جوهري ,,,, علم الاصوات 335 نصيحه لحد يفوت هالدكاتره فررررصه: عسى ربي يوفقهم دنيا واخره .

المشاركة الأصلية كتبت بواسطة ابوالحمزة بصراحة على رأس الدكاترة اللي أخذت عندهم بالترتيب: 1- سلطان الحاتمي لغويات تطبيقية 2- مراد الصحفي حلقة بحث بالنسبة لصبري عويضة أسئلته فيها مراوغة شوية واما حسونة في أدب القصة أسئلة الإختيارات جيدة نوعا ما بالرغم إنه يجيب أشياء عن المؤلفين صعبة وما ركزنا عليها لأننا ركزنا على الروايات المطلوبة ولم نركز على كتابها أما أسئلته المقالية فكانت غير مباشرة ومبهمة وفيها أخطاء إملائية تحير الطالب حتى الخيارات كان فيها أخطاء في الأسئلة لدرجة إني ظننت إنه الدكتور لم يقرأ الروايات المقررة او قرأها زمان وأعتمد على ذاكرته ! اما الدكتور هرموش بصراحة ما قصّر وجاب أسئلة من الملخص اللي حدده ولكن عتبي عليه إن رافض الشرح الطويل للجزئية الشعرية ويهدد بعدم إحتساب الإجابة الطويلة ونسي إن مواقع النقد الأدبي يشرحوا بيت واحد من اي قصيدة بأكثر من صفحة فكيف يعيب على الطالب المبتدئ أن يشرح بخمسة ولا ستة سطور. تحياتي وبالتوفيق للجميع

المشاركة الأصلية كتبت بواسطة MeZaJya انتساب :) سيمانتكس : د. افنان فطاني شرحها جيد جدا وتشرح بذمه وتوصل المعلوومه بصراحه اختبارها متنوع ومن الشرح ومن سلايداتها الاختبار الاختبار يعتمد ع الحفظ+ الفهم لكن بصفه عامه الاستاذه جدا كويسه واختبارها من المحاضرات والسلايدات النقد: د. نجوى الغريبي اممم والله مدري ايش اقوول بس شرحها جيد جداا وحتفهمي معاها كوويس بس المشكله الرئيسيه اللي كانت معاها في الكورس انها خلتنا كدا تايهين كانت بتشرح طريقة النقد بصفه عامه مماكانت تدخل معانا ف تفاصيل ولا طبقت معانا بالضبط ..صح طبقت ع نص بس كلو شفوي وفكره عامه بس الاساس والتفاصيل و كيف المفروض تكون الاجابه الصحيحه كيف نكتب جوابنا ما شرحتلنا :/ اختبارها كان 60 على 3 اسئله ايسسي وجدول اكتبي المصطلح وككلها من المراجعه تبعها وسؤال تطبيق للنقد عليه 40 للأسف الاختبار كان جدا طويل وماكان في وقت نفهم القصيده بالضبط ونقدر ننقد ونرتب الافكار ماحبيت الاختبار للأسف :/ الشعر : ايمان بوترعه انا قبل كدا مدحت فيها في كورس اخذتو معاها بس للأسف الكورس دا كان جدا سيء ما ادري الاختبار كان ادب ولا تاريخ :/ شرحها معروف بتقرأ شروحات جاهزه اون لاين ومافي ترتيب بالافكار ابدا تكون تتكلم ف موضوع فجأه دخلت في نقطه تانيه عكسها تماما اممم كنا لما نرجع نسمع المحاضرات نلاقي تواريخ غلط ومعلومات متناقضه ومو مترابطه الاختبار كان 90% من الماتيريالز اللي ارسلتهم يعني لو كانت ماتعبت نفسها ولا تعبتنا في المحاضره وما قالتلنا اعتمدو ع المحاضرات واكتفينا بالماتيريالز كان جبنا درجات كويسه قالت محا تسألنا عن تاريخ ولادة ووفاة الشعرا ولكن في الاختبار كان في اسئله عن دا الشي اغلب الاختبار كان عن الشعرا والباكقراوند للأسف كورس سيئ جدا معاها المودرن: د. عمر باقبص شرح رائع ماشاء الله وكان جدا متعاون معانا الاختبار كان جيد جدا بس كان في شوية تلاعب بالاسئله بمعنى انو ماتعرفي الجواب بمجرد قراءة السؤال مره وحده لازم تقرأيه اكتر من مرا عشان تفهمي المطلوب االاسئله كاننت من اللي شرحو او جاب سيرتو في المحاضرات حتى لو كان ماتعمق في شرح التقطه دي لكن ابراء للذمه :98% من الاسئله من اللي اتكلم علييها وناقشها وكان عندنا مجال نختار 12 سؤال من 20 دكتوور زي كدا ما يتفووت بصراحه :) فونولوجي : مع الرائعه ليلى هاشم الانسانه دي من جد مافي زييها في الدنيا دي قد ماهيا كووويسه بتسوي جهدها في المحاضره وبتحاول توصل لك المعلومه الماده جدا غثيثه لكن مع مس ليلى صارت جدا خفييفه اختبارها وااااضح وجدا سهههل ومن اللي هيا شرحتو واسلووبها جدا واضح يكفي الراحه اللي تحسيها وانتي تشووفيها او تسمعي صووتها والروح الحلوه اللي تحسيها فيها من جد ثالث كورس معاها وكلللها كانت ممتازه جدا الله يسعدها فين ماتكون كووورس معاها ابدا لا تفكرو تفووتووه

المشاركة الأصلية كتبت بواسطة saadoony السلام عليكم ورحمة الله وبركاته تحيه عطره أخواني وأخواتي إنتساب الصرف مع صبري عويضة مافيه رسوب بإذن الله والماده دسمه النقد الادبي مع الشوكاني فرصه علم الاصوات مع الجوهري خذها وأنت مغمض الشعر مع هرموش خذها إذا ما كان عندك مشكلة مع الأسئلة المقالية وقد أخذت معه الأدب الحديث وكانت أسئلة إختيارات وصح وخطأ وأتمنى أن يعود لنظام أسئلة الإختيار المتعدد والصح والخطأ اللغويات الاجتماعية مع الشهري الحذر لأهل المناطق لكن اللي بيختبر بجدة بيكون وضعه أفضل حلقة بحث في اللغويات مع الصفحي أفضل دكتور لأنه الدكتور الوحيد اللي غطى كامل المنهج في الدورة التأهيلية وإلتزم بما أعطانا في الإختبار شكسبير مع حارس نور الدين فرصه من ذهب نصوص نفسية باللغة الإنجليزية (ماده حره) مع مطحنه إذا كنت جيد في حفظ المفردات كذلك القدرة على الترجمة خذها وراح تضمن a+

الله يجزاكم خير أخواني واخواتي ما قصرتو افادات متميزة الله يحفظكم ويجعلها ثقيلة بميزان حسناتكم ليوم الحساب

اضيفت جميع الاقتباسات الى :
||تجاربنا مع دكاترة قسم اللغات الأوروبية -طـــــــلاب||~متجدد


+
||تجاربنا مع أستاذات قسم اللغات الأوروبية - طالبـــــات || ~ متجدد


وفقكم الله وجعل اعلى الدرجات من نصيبكم في كل موادكم يارب :-)

---

المشاركة الأصلية كتبت بواسطة ghost_9 انا عندي فكره وهذه راح تساعدنا جميعا كخطوه اولى. نسوي موضوع مثبت زي مانسوي الاختبارات ورقم كل ماده ونكتب اسم كل دكتور مع الماده ببدايه الحذف والاضافه.

حياك اخي الكريم

الفكرة طيبة وتشبه ما قمنا به في هذا الموضوع :
||تجاربنا مع دكاترة قسم اللغات الأوروبية -طـــــــلاب||~متجدد


وبإذن الله وقت الحذف والاضافة راح نثبتهم لكم بالواجهة الاساسية وننقلها من قسم الملخصات لكي تكون سهلة ميسرة عليكم

وكل دورة تأهيلية بكل ترم دراسي نسوي موضوع خلاصة شبيه بما فعله اخي المشرف الفاضل لدورة الترم الاول هنا : ||خُـلاصة الدوره التـآهيلية~طلاب~لعام2014 الفصل الأول||

وفيها ينكتب اسم الدكتور والمنهج وكل ما يكتبه زملائكم عن المادة في الدورات لكن الاراء بكل دكتور فضلنا جمعها في موضوع منفصل في اول رابط وضعناه لكم لكي يتسنى لكل الطلاب او الطالبات اللي يدرسو عند كل دكتور الوصول للمعلومة بدون التشتت بالروابط الخاصة بالمنهج لكل ترم

موفقين :-)