[الملاك الأبيض]

ثانيا:مادة اليسننق

هذي المادة حلوة ولو فتحتوا الكتاب راح تلاقوا انو اهم شي تركزوا عليه هو الاتي

الكلمات تعرفوا معناها بالانقلش لانوا حيانا ممكن تجيب لكم في الاختبار كلمة وتقول حطيها في الفراغ المناسب . او تجيب كلمة وتقول هاتي المعنى المناسب لها من بين الاقواس .او بنفس الطريقة الي في تمارين الكتاب

الامر الثاني هو جزء السيلبل او مقاطع الكلمات كل كلمة تقسميها الى مقاطع صوتية وتكتبي كم مقطع صوتي لدينا واين كان التشديد في النطق على أي جزء منها .وهذي مهمة جدا جدا جدا لايخلو منها اختبار

اخر جزء هو مهارة note taking

هذي المهارة غثيثة شوي بس تعتمد على مهارة الاستماع وتقوي عندك جزء السمع

انتو اللي عليكم انو تسمعوا المقاطع الصوتية الي في السي دي وتتدربوا على اخذ ملاحظات او الكلمات المهمة التي تفيدكم في مجاوبة الاسئلة الموجودة في كل تشابتر

قد تواجهوا صعوبة في البداية ولكن مع الاستمرار راح تتعودوا وتحبوها وعلى فكرة لايخلو منها اختبار وبيكون عليها عشرين درجة تقريبا

وطبعا قبل لاانسى في المستوى الثالث والرابع عندكم شي اسمه البرزنتيشن انو تكتبوا تعبير عن قصة قرأتيها او فيلم شفتيه وتأثرتي فيه تكتبوا مين الممثلين وايش اسم الفيلم ونبذة مختصرة عن الفيلم وايش انطباعكم عنه وحاولوا الا يتجاوز عرضكم للموضوع العشر دقائق يعني صفحة ونص او صفحتين

وهذا رابط لموقع الديكشينري يساعدكم في الحصول على السيلبل بشكل يسير وحلو :

http://dictionary.reference.com/

وهنا موقع يعطيكم قطع تسمعوها وتجاوبوا عليها مماثلة لطريقة الاختبار وعلى فكرة الترم الي فات جابت واحدة من القطع الي موجودة في هذا النص >>واللبيب بالشارة يفهمه ^__*

http://www.esl-lab.com/