انا ياناسو عليا مررررررره كنت هاديه بس هي كم مشكلة من غير قصد
مرره شفت ولد خالتي يدخن وانا صغيره ورحت فتنت وما الاقي الي العيله كلها قايمه عليه وحشروه في غرفه وهو ينكر وجابوني ولمن شفت الوضع وخفت قلت لا يمكن واحد شبهه بس يومها انقلب حريقه
ومرره طلعت لوحدي في السطوح وانا صغيره كان عندنا عزيمه في رمضان اولع في الطراطيع وما تولع وارميها جوت مطبخ كان فيه كراتين واشياء وبعدين نزلت ساعه والناس تدق تقول حريقه في بيتكم وجوا المعازيم كله يبغى يطفي وجات المطافي والشرطة وافلام وانا قعدت ابكي وابكي وما احد قالي شي هدوا عليا سبقتهم بالبكى
وعاد الي اعتبرها اكبر مشكلة
كنت سادس ابتدائي ورحت اجيب اخويا من المدرسة مع السواق وكان متجمعين عليه 3 اولاد يضربوه سنة رابع وخامس
والسواق مو راضي ينزل يساعده رميت العبايه وا السيارة ونزلت زي الحلوه ودخلت في المضاربه وراحوا ينادوا اخوانهم الكبار وطبعا شردنا
وكمان وحده
اخدت كوره معايا عالمدرسة وقلبنا الفصل ملعب وكل البنات لعبوا وانا باشوت الكوره تدخل المراقبه والكوره طاااااااااخ في وجهها ويومها كل الفصل اكل ضربتين بالمسطره