عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 30-05-2008, 10:11 PM
الصورة الرمزية mrmhma

mrmhma mrmhma غير متواجد حالياً

جامعي

 
تاريخ التسجيل: Apr 2008
التخصص: ادب انجليزي
نوع الدراسة: إنتساب
المستوى: متخرج
الجنس: ذكر
المشاركات: 143
افتراضي بالنسبة للمواد اللي هي 211-212-213 افرنسي221 الترم اللي راح ومواضيع الاختبار


السلام عليكم
بالنسبة للمواد اللي هي 211-212-213
الحمد لله عديتها الترم اللي راح واحب اقول
بالنسبة للسينيغ
كان سهل جدا وواضح وانصح الجميع بقراءة المحادثات قبل سماعها واقول لو قراها الواحد بس اضن يكفي انو يحل التمارين قبل يسمع في قاعه الامتحان بس اهم شي انو يفهم ايش الموضوع عنه يعني يترجماولا الكلمات الجديدة ويقرا والمحادثات موجودة في اخر الكتاب .....الاسئلة اللي جاتنا كانت سهلة جدا ...السوال الاول كان على ما اذكر عن البنت اللي كانت بتستأجر شقة مع البايع (صاحب مكتب عقار عندهم )وجالس يحاول يقنعها ويعطيها المميزات وجانا عنها اختيارات وصح وخطا.....بصراحه حليتها قبل ما يبدا الشريط وخلصت قبل ما يبدا الشريط ...وبعدين جانا سوال عن نطق حرف التي وكيف ينطق وعن حرف الاس في اخر الكلمة متى ينطق ز .....الخ الكل اكيد يعرفها وجانا كمان فراغات من محادثة بصراحة ما اتذكرها بس سهلة جدا وكان موضوعها عن حرق الدهون والرجيم _اكيد عرفها اللي ذاكر_ وبعدها اختيارات وكمان صح وخطا على المحادثة وتنحل بدون ما تسمع للي قرا ويتذكرها
ا واخر سوال كان اختياري للي يبغا يحله وكان عن معاني الكلمات يعطيك المعنى والكلمه وانت توصل الكلمة ومعناها ......انتهى


الرايتنق:وما ادراك ما الرايتنق صراحة اللي ما ذاكر بياكل هو في الامتحان كان صعب مو مرة بس صعب لان المادة صعبة اصلا ...
المهم جانا اختيارات من القواعد اللي باللون الوردي مثلا تستخدم الاداه ....... ل: ا....ب ....ج ......
اهم شي الواحد يفهم معناها وايش هيه بالانجلش البعض يذاكر ومايعرف مسمى الادوات فهو يعطيك مثلا اسم الاداة ويقول هذا النوع من الادوات يستخدم ل...........وجانا سوال عن then نختار الجملة الصحيحة واعطانا اربع جمل وعن الاقتباس اللي بالقصة حقت الملك .......اهم شي تعرف الادوات ايش هي مهم جدا ...مثل الاقتباس ايش هي بالانجليزي وايش تفيد وكيف تستخدم
والسوال الاخير كان عن التايتل والتبيك سنتنس...اعطان برقراف وقال هات التبيك واكتب عنوان
ثم يجيك السوال الاخير فقرة ب اكتب مضوع لا يقل عن 100 كلمة يعني صفحة تقريبا واعطانا خيارين
ا- برقراف وثلاث مواضيع اتذكر منها الموضوع اللي كتبت عنة وهو عن العطلة
ب-تكتب رسالة
......................انتهى

الريدينق:
الحمد لله كان سهل ...واللس جانا مواضيع ولا واحد من الكتاب ولا له اي علاقة بالكتاب عن امريكا والحياة والدراسه فيها وعليه خيارات (بس الخيارات ملفوفة لف ومي كله بعضها يعني يبغالها تركيز بقوة وفهم للموضوع زين )ثلاث برقرافات وبعدها السوال الاخير 50 كلمه تحدد ايش نوعها صفة اسم فعل .الخ ........
الفرنسي :
كان سهل جدا وانصح الجميع بمذاكرة ملخص باحطة ان شاء الله لانه مفيد وموجود في المنتديات واضح ويكفي انك تاخذ 100 لو ذاكرته بس وارم المذكرة المعقدة على جنب وكانت الاسئلة عن الساعة وتصريف الافعال و التذكير والتأنيث..الخ ما ترك شي بس سهلة واختيارات كلها


انتهى واي استفسار انا جاهز والمعذرة عالاسلوب وطريقة الطرح لا ني يالله اتذكر بس بشكل عام
اتمنى للجميع التوفيق والنجاح

التعديل الأخير تم بواسطة mrmhma ; 30-05-2008 الساعة 10:21 PM.
رد مع اقتباس