[R O Y A L]

noOo comment الحمد لله والشكرم انا في حياتي ماشفت انسان عبيط وبس يبغى يتكلم وبس من غير فايده زيك شوف انا كلامي كتييير وبربره كماnooن بس زيك انا ماشفت ايش العبط دا؟؟ ماعرف انتا بتعمل نفسك خفيف دم والا فاضي ولا بتنكت ؟ والا بترد على كلامي لمجرد الرد وبس؟؟
شعرت لوهله انني اتحدث عن الحرم المكي<< اول شي ياأبو لغه عربيه انت انا الي اتحدث مو انا بلاش لقافه .. تاني شي خلاص ماحتكلم واقول يتيم ومدري ايش عشان شعورك يابو شعور لايجيك لاسمح الله احساس انك موظف في الشؤؤن الإجتماعية <<شؤؤن كدا تنكتب؟؟والا شؤون ؟؟
وبالنسبه للغة ايران وأمثالها على قولتك لا خليك مكانك كدا لأسباب كتير أولا لانك لايمكن بعقليتك دي تفهم ليش الناس لازم تتعلم لغه الشعب دا على الاقل عشان تفهم هما ايش بيقولوا ويسبوا ويغلطوا في وسائل الإعلام وبالتلفزيونات والجرايد والمواقع عشان تقدر تتفاهم معاهم ترد عليهم تحاججهم خليك يابو ايران وأمثالها لا تتعلم لغه قليلين الأدب خليك مؤدب وأترفع عنهم يع عليهم
بالنسبه للطاقم التعليمي الي إنتا قلت انهم يملكون شهادات لانملكها ؟؟ طيب عشان امثالك انتا مايبغوا يتعلموا لغات بعض الناس فطبيعي يكون غيرك حامل شهاده انت ماتقدر تحملها ؟؟
والذي يظهر<< مسوي تحليل ؟؟ محد قلك فسر كلامي اوكي ؟
وعلى ايش بتقول الي مايطول العنب والكلام البايخ التاني تشوف أي كلمه وتجيب عليها حكمه؟ احد قالك انو احنا بموضوع حكمه اليوم لاسمح الله ؟؟يعني مفكر انو انا بسب او بأغلط في طريقه البعثه ؟؟ انا قصدي انو ماحتكلف حاجه في سبيل تعليم كم شخص لغة جديده وبطريقه أكاديميه
وكيف تقول اعتذار والمقصود ياليت سنه ؟ كيف يعني انتا تعرف أنا إيش بقصد ؟؟
وكيف بتقول نظره دونيه ؟؟ يعني ايش تقصد بالكلام دا؟؟ نظره دونه يعني انو انا استحقر الناس الي من برى والا إيش ؟؟ لانو لو كان قصدك كدا انتا غلطان مره غلطان
ومو انتا الي حتجي تعلمني قواعد اللغة وانتا عندك أغلاط إملائيه وانا قاعده اتكلم باللغه العاميه ومو شغلك ياانتا انسا غيب بشكل داخل عشان يحلل كلامي لغويا ؟؟
طيب تعال يالي من كوكب الأرض دحين الي يترجموا للغات يعني من كوكب زحل؟؟ انتا عبيط يا إبني والا إيه ؟؟ كيف يعني لو طالبنا بمترجمين يكونوا من السعوديه عشان يترجموا لدولتنا بدل مايجيبوا من كل دوله مترجم وراتبه فوق 30 الف ريال سعودي في الشهر لمجرد انه يشتغل مترجم ويعتبروه في وظيفه دبلوماسيهبرغم انه مترجم ويعطوه اكبر من حجمه لمجرد ترجمه للقاءات او اجراءات بين السفارات يعني انا ابغى افهم ايش دخل كوكب زحل؟؟ اشبك الله يهديك عليك تفكير؟
من ناحيه ترجمه الكتب لو مو عارف ايش دخلها الله يخلف عليك انتا كطالب من ضمن الوظائف المتاحه الي المفروض بديهيا تطمح لها انو تكون مترجم والا تتعلم اللغه عشان تقعد تتفلسف على الاوادم وتتكلم معاهم وتتقنها عشان تتقنها وبس؟؟ مانترجم ولا نفكر في الشي دا لازم نفصله عشان مانلخبط حضره جنابك ؟؟
وبالنسبه لحديث عمر ماله دخل في الحكايه انا ماقلت انو نبغى دين غير الإسلام أنا قلت كدا أو لمحت بكدا؟؟ اشبك ؟ ليش كدا تتصرف ؟
وبالنسبه للسؤال الي ماعرفت المقصود منه ماحتعرف وياليتك ماعرفت لانه كل معرفتك بالموضوع مالها دخل مادري انت خرجت عن الموضوع بطريقه عنيفه وارهابيه كمان ودخلت فيها إسلام وعزه وماني عارفه ايش ربنا عالم بالنيات والله يجعلك محاسب على كل كلمه قلتها يارب
بالنسبه لكلمتي (واعية ) اعتقد بعد كلامك الكل فهم يعني ايش كلمه واعيه لانك مو واعي ولا لشي وخلاص ياعمي لاتوعى ولاتتكلم قدام العالم عشان مايقفلوا الجامعه
وانا ماقلت تمتنع عن الإمتحان يالطيف منك ومن تفكيرك أنا الكلام الي كتبته كله انت فهمت منه الطريقه الكويسه للمطالبه والإقتراح بقسم تكون بلإمتناع عن امتحان نا قلت اقترحوا على أحد المسؤلين لما يعملوا ملتقى او إجتماع ؟؟ اشفيك ؟؟
بالنسبه للجمله المفككه الي مافهمتها < اقصد فيها لايكون تفكيرك زي غيرك تيبكال < يعني بالزبط عن غيرو يعني عن شخص آخر بس
وبالنسبه لطرق البحث ايوه لازم يبحثوا قبل مايفتحوا القسم عشان ماينفتح عباطه ..وطبعا لازم يكون كلامي مبني على أساس علمي مو زيك بربره على الفاظي داخل عشان تكتب حكم وأمثال وتنكت على كلامي وتحط أحاديث شويه وتخرجني عن المله وأبغى مله غير الإسلام هاه ؟؟
اخر جمله لو كنت قريتها قبل ماكتب ردي دا كان من البدايه مارديت والله خساره باين من كلامك مو فاهم شي المصيبه مافهمت ولا أدركت والطامة إنو بكل حواسك .. والطامه الأكبر انو تكلمت فيه شي مافهمت فيه بليز لاحد يحذف ردي زي ماخليتوا رده موجود
[/quote][/size]
[/quote]