رد: موآقف مضحكه حصلت لكم
ضحكتوني صراحه بمواقفكم
انا في اختبار الانجليزي طبعا لاااااااااااااااازم اروح بدري احسب حساب الزحمه وحتى اضمن اني الاقي مكان في القاعه قبل الزحمه لان في الاختبارات كلها فيه بنات يجون متاخر ويلاقون القاعات فل خلاص
المهم انا جالسه من اول من قبل الاختبار باكثر من ساعه
جاء قدامي بنت وشكلها ماشاء الله شاطره في الانجليزي وجا بنت ثانيه وجلست جنبها وجلسو يسولفون الشاطره ذي سالت البنت الثانيه قالت لها كيف الانجليزي هذيك قالتلها مررررررره صعب وماني فاهمه فيه شي
هذيك قالت لا الحمد لله انا بالنسبه ليه سهل لان عندي خلفيه
وقبل الاختبار بدقايق جاو المراقبات والاستاذات كانت القاعه فل
قامو طلعو نص البنات لانو لازم يكون صف مليان والي جنبه فاضي
تخيلو على الزحمه والبنات مو لاقين مكان جات هذي البنت الي مو فاهمه تقولي الله يسعدك قومي وانا بجلس مكانك لاني ابغا اكون جنب هذي الله يوفقك
قلتلها خير يعني انتي شايفه البنات مو لاقين مكان تقوميني من مكان
قالت الله يوفقك تكفين ابغا اكون وراها الله يخليكي
قلتلها معلش الله يخليكي روحي من وجهي لاني خايفه وشايله هم الاختبار واعصابي تلفاااااانه فلا تعبيني زياده
بوزت وراحت وماعد عرفت فين راحت
ههههههههههههههههه لمن طلعت وحكيت لزوجي السالفه مات من الضحك يقولي تلاقينها راحت البيت تسب فيكي وتلعن تقول فيه وحده هبله ثقيلة دم طلبتها ابغا اجي ورى البنت مارضيت
قلت بكيفها تقول الي تقول آخر همي اهم حاجه اني ما ضيعت مكاني وجلست ادور مكان عشان خاطر هيه تغش هذا الي ناقص والله
|