[MIS10]

الســـــلام عليكم





المادة: القانون التجاري
الدكتور: عبدالرزاق جاجان
التقييم: دكتور ممتاز جداً, ومتساهل .. ولكن الطلاب يقهرون يمصخونها معاه .. وفوق هذا هو متساهل معهم
وكان شديد بداية الترم وهددنا شوي .. واحنا والله قمطنا العافية وبعضنا كان بيسحب المادة .. لكن طلع الدكتور طيب من الداخل .. ومتساهل كثير
اعطيه 10 من 10
اخذت عنده درجة جيدة نوعاً ما.. والسبب من تقصيري بصراحة.


المادة: السلوك التنظيمي
الدكتور: سامي خان
التقييم: الدكتور طيب ومتساهل جداً اذا جيت المحاضرة متأخر .. حتى لو بأخر عشر دقايق عادي يحضرك ..
ولكنه متشدد جداً جداً جداً بقصة الحضور والغياب ومستحيل يغيب محاظرة وحدة .. وطول الترم ما كنسل الا محاضرتين وبعد محاولات كثيـــــرة من الطلاب عليه ..
وبالأختبار النهائي حرم حوالي 8 طلاب من دخول الأختبار .. يعني dn
وبالنسبة للدرجات .. الله اعلم مانزلت لين ذحين .. ولكني متهيء ونص اذا جاني f .. وبصراحة ما استبعدها من هاذي المادة الحقيرة..
وبالنسبة للأختبارات .. كانت صعبة جداً .. واذا منت مذاكر الكتاب والسلايدات وفاهمها 100% .. والله ماتجيب درجة عنده.
وبالنسبة للبنات اللي بياخذون عنده .. انصحكم لأ ههههههه .. لأن البنات اللي اخذوا عنده ذا الترم والله تعبوا نفسياً .. بالقوة يكلمونه .. ويالله يسمعون صوته ..
الدكتور اعطيه: 6 من 10


المادة: أساسيات برمجة (مادة تخصص لنظم المعلومات)
الدكتور: أنس فتوح
التقييم: خذ عنده وانت مغمض .. افضل دكتور مر علي بالجامعة من اول مادخلت .. متساهل بالحضور والغياب .. ممكن يتفهم امورك .. اسئلته بالاختبارات سهلة جداً جداً جداً .. ومافي احد طلع منها جايب اقل من 90% .. الا طالب واحد جاب يمكن 60% .. بس ما تدري وش ضروف هالطالب.
والدكتور شرحه حلو .. وبصراحة هي المادة الوحيدة اللي بالترم اللي كنت اتحمس لحضورها.
الددكتور اعطيه 1000 من 10 ..


المادة: مبادىء تسويق
الدكتور: سامي الصمادي
التقييم: الدكتور انا عايد المادة عنده ذا الترم .. وبصراحة هو الدكتور الوحيد اللي يدرس هالمادة بقسم التسويق ومافي غيره .. الدكتور متساهل جداً بالحضور والغياب .. عنده طريقة اللي هي ان اخر عشرة محاضرات بالترم يبدأ يحضر فيها, والمحاضرات اللي قبل كلها مافي تحضير .. ولكن اخر 10 محاضرات كل غياب فيها عليه درجة .. ومايقبل اي عذر عالغيابات هاذي .. حتى لو تجيبه من ادارة الجامعة نفسها .. حتى في طالب رفض عذر عملية من عنده. الدكتور شرحه عادي .. من السلايدات بس .. اختباراته كلها من التست بنك بدون لف ودوران .. بس ذاكر التست وفالك الدرجة كاملة ..
وعنده 10 درجات عبارة عن مشروع نهاية الترم, وسبب رسوبي بالترم اللي فات عنده اننا كنا نذاكر التست بانك القديم .. وهو كان يجيب اختباراته من التست بنك الجديد .. لذلك كثيــــــر طلاب رسبوا عنده ..
هذا الترم عرفنا حركته .. وذاكرنا التست الجديد .. والحمدالله جبت +b
تققيم الدكتور: 7 من 10


المادة: أساسيات تمويل
الدكتور: محمد العيادي
التقييم: الدكتور عسل عسل عسل عسل .. ومرررررره طيب .. بس لازم تكون متواضب معاه وتحضر كل المحاضرات .. ويكره الطلاب اللي نادر مايحضرون .. والدكتور اختباراته تقريباً متوسطة .. بس يبغالها مذاكرة وتجيب درجة عسل ..
وميزة الدكتور ان عنده 35% درجات بونص يعطيها الطلاب زيادة عن الـ 100% ..
ومع اني عدت المادة عنده .. ولكن السبب كان ان الدكتور بالترم اللي فات كان مضطر يسحب الكورس ويسلمه لدكتور ثاني وسافر لكندا اتوقع .. لذلك الدكتور الثاني اللي مسك الكورس لعب فحسبتنا الله يهديه .. وعلى يده 90 طالب رسبوا ..
بس هالترم العيادي مسك الكورس من اوله لأخره .. والنتيجة كانت ممتازة الحمدالله .الدكتور اعطيه 10 من 10


وشكـــــــــراً