[شذى الوادي]

السلام عليكم ورحمة الله

يا طلاب يا طالبات

لغتنا راحت فيها والسبه هالكلمات
يعني تلاقي الواحد عبى راسه قرامر من اول متوسط الى ثالث ثانوي والتعبئه لازالت مستمره في الجامعه هههههه
بس إذا جاء يتكلم ما يدري وش يقول
ليش؟؟؟؟؟

طبعاً ما عندي كلمات حافظها كيف تبغوني اتكلم ؟؟

طيب جبنا الحل (ان شاء الله) بس نبغا تحدي من جد
كل اسبوع ان شاء الله راح نفتح تحدي جديد عشان اللي فاتهم التحدي الاول يدخلوا في الثاني

الطريقه

راح اجيب 5 كلمات يوميا هذي الكلمات جديده بالنسبه لي انا اللي عاجبه يحفظها واللي يعرفها ينزل الخمس كلمات اللي تناسب مستواه و يبغا يحفظها

طيب كيف نعرف من اللي حافظ و من اللي نزل الكلمات بدون ما يحفظها؟؟؟

عاد هو و أمانته
يمنعا منعا باتاً كتابه الكلمات بدون حفظ مسبق لها

يعني بالمختصر المفيد نجيب 5 كلمات جديده نعرف عنها كل شيء وكيف تستخدم وكل واحد يحط الكلمات اللي حفظها في 5 جمل يعني كل كلمه مطلوب عليها جمله واحده بس

وهذا الرابط راح يفيدكم كثير يعني بس اكتب الكلمه في خانة البحث وحيطلع كل شئ عن الكلمه حتى النطق موجود

http://www.yourdictionary.com/

بكذا نكون حافظين 30 كلمه في الاسبوع و يوم الجمعه مراجعه

اختي مملكة عمري اقترحت انو يكون يوم في ويوم لا
حلوه الفكره بس اللي يبغى يسوي هذي الحركه يبغاله ينزل 10 كلمات بدل خمسه

ملاحظه :يمكن في بعضكم راح يقول يوووووووه ما أقدر عندي دراسه
لا بالعكس ممكن تحط الكلمات اللي تعلمتها مثلا في الريدنق او الفكشن او الادب او السننق وبالتالي تكون انت الكسبان لانك حفظت كلمات المنهج أول بأول ووقت الاختبار حتكون سهله غير كذا الطالبات اللي يدرسو كتاب 504 راح يستفيدوا مره

على العموم الموضوع ما أنتهى على كذا ممكن تشاركون فيه باقتراحاتكم ونعدل فيه بعض الافكار الى يوم الجمعه عشان يوم السبت نبدأ

وبالله التوفيق