[[ نون ]]

.
.

الحمد لله الذي بفضله و عونه اتم علي فرحة التخرج
كانت رحلة طويلة جدا و كنت من الدفعات المتضررة بتغير الخطة
و غير كذا درست سنه مواد عام و خمس سنين تخصص نتيجة عم تخطي مواد و تغير خطه

النصايح اللي ممكن اقدمها هي:
* اختر الاستاذ / الاستاذه قبل ما تختار الماده.
( من واقع تجربة اخذت الادب الحديث مع د. سوزان و حملت المادة و رجعت اخذتها مع استاذة نجوى
و نجحت بـ 85 . مع انه نفس المنهج و بالعكس استاذة نجوى كل اسئلتها مقالي - ما كان اجتهاد مني بالعكس
الاستاذة جدا رائعة في توصيل المعلومه و في اسئلتها )

* الكتاب | الكتاب | الكتاب .. المرجع الاول و الاخير في المذاكره الكتاب .. صحيح ان اشكال الكتب تغث
بس اذا تبي تنجح بدرجة حلوه قطع الكتاب و بعدين راجع اسئلة الاترام اللي فاتت

* لا صار في المادة واجبات سووها خخخخ .. انا انسانه ما اعترف بالواجبات لكن اكلت ع راسي هالترم لمن
جيت الاختبار النهائي و ما سويت الجورنالز حقت المودرن الاستاذه قالت لي ما تطلعين الا لمن تكملينها خخخخ
و الحمد لله رفعت درجتي في المادة


1- هل شعرت برغبة في التخلي عن حلمك والتحويل لقسم أخر او ترك الجامعة ،
نتيجـة لاصتدامات مع اعضاء هيئة التدريس او الطلبه ؟ وكيف تعاملت معهـا ؟
بصراحه انا جاني وقت و قررت فيه اني بترك الجامعه و المصيبه انه كان باقي لي 12 ساعه بس عالتخرج
اللي صار انه رسبت في الادب الحديث مع د. سوزان و جاني احباط شنيع و قمت سحبت الترم اللي بعده ولا علمت اهلي
الا لمن خلاص كتبوا لي في النظام معتذر .. طبعا اكلت تهزيئ شوي و نيتي اصلا اني ما ارجع اكمل بس خزيت ابليس
و رجعت الترم اللي فات و كملت و الحمد لله خلصت الـ 12 ساعه وتخرجت.


2-:مـا هو احساسك بعد التخرج؟
احساس جميل جدا ( تحس انك فاضي هههههه )



3- نصيـحة تهديهـا للطلبة بمختلف مستوياتهـم ؟
طريق النجاح صعب و الرسوب مو معناته فشل .. الفشل انك تبطل تحاول !