[عـالي مستواه]

موضوع جميل .... يا ولد يا جميل ومواقف مضحكه الله يسعدكم

أنا وأعوذ بالله من كلمة أنا بعد المواقف اللي حصلت لي الترم الأول والولد اللي حرقته وكبيت عليه الكوفي علشان باقي الفلوس كانت بتطيح في كوب الكوفي ،،،،، قررت وعزمت النيه اصير ولد تكانه و ثقيل ،،،، والحمدلله أنه مافيها كوفي شوب ولا حتى بياعة فصفص في فندق مداريم كراون ... وماشاء الله عليا ...رسمي مره لحد آخر يوم ... وفي آخر يوم .... آخر يوم في إختبار الإحصاء حصلت المواقف التالية :
1. تأخرت ولا دخلت إلا الساعة 9 مع أنه الإختبار 8 ونص و بدأ الإختبار وبعد خمس دقايق سلموني الورقة ...وفيه ولد مراقب علينا .... وحظه المسكين اللي رماه عندي ...
كل شوي أزهمه :: أقوله شف ترى الورقة تأخرت خمس دقايق ...
والله والله والله بالثلاثة ما أسلم إلا بعد خمس دقايق من النهاية ....
وكل ما مر من قدامي أسوي حركة بيدي ....تعرفونها ؟؟ حركة الكش ...هههههههه يعني خمس دقايق ..
والمشكلة في الأخير سلمت الورقة قبل ينتهي الوقت بساعة ...قالي : تبي خمس دقايق الحين ولا خلاص ...أبتسمت أبتسامه صفراء وقلت : والله من حقي لو احتجتها .... طالب حرش ههههههههههههه.

2. بدأت أحل أول عشر دقايق في ورقة الإجابة من اليمين مع ان النموذج يبدأ من اليسار واللي نبهني نفس الولد المسكين المراقب .... قالي وشو ذا قاعد تحل سؤال 80 و 81 و 83 هههههه. ...... بغيت أقول له : مشكور بس لاتنسى ....الكش .... بس قلت حرام الولد نبهني خله خمس دقايق يرتاح ....بعدين أزعجه ... هههههههه

3. أحد الطلبة في نفس اليوم الإحصاء طلب يروح دورية المياه الله يعزكم ... وجاء مراقب كشخه وكبير وطلب من مراقب يرافقه .... وقلت بيني وبين نفس بصوت واطي ... من حقه يروح الحمام ... جاء عندي وقالي شووو
.. عدت عليه نفس الكلام ....قالي : ليش .... قلت : الأسئلة صعبة ...
و بلهجة جداويه كلها دفء هههههههه
قالي : بالعكس بسيطة ... قلت : أقول صعبة وانت وش دراك تفهم في الإحصاء ؟؟؟.... تعرفون ليش قلت تفهم ؟؟ ( خلاص صرت أعيش جو أني صرت خبير إحصاء وبأتكبر عليه)
قالي : أنا من ضمن اللي حطوا الأسئلة ونموزجك هدا بالزات أنا حطيت أغلب أسئلته .....
طبعاً أنحرجت شوي ومال رأسي بعلاقة طردية قوية نحو الأسفل ....حتى عاد ماي وجهي .... ورجعت أزعج الولد المراقب المسكين ...بحركة الكش ههههههههه.

كنت مبسوط أني بأكمل الإختبارات بدون تهاويل .... بس ماني وجه بيس أبد أنا الظاهر ..

تحيتي