منتديات سكاو - عرض مشاركة واحدة

nour al3mr · 18-09-2009, 02:46 AM

مشكوره أختي شذى على هذا الموضوع القيم والمفيد لان الكل محتاج لتجارب وخبرات السابقين... ومن المفيد جدا ان الموضوع يكون مقنن ومرتب بهذا الشكل ..
بالنسبه ليا اخذت في اول مستوى في التخصص :.
reading 1 : اخذته مع الاستاذه / ايمان حمزة ..
ماشاء الله الاستاذه تمام بس المشكله في هذي الماده في المنهج وليش في الاستاذه لان الاستاذه نفسها معترضه عليه وتقول المفروض يغيروه ..الحمد لله افتكيت منه ..ومشكلته بالنسبه ليا ان وقت الاختبار يعتبر قليل مقارنه بعدد صفحات الاختبار بالذات النهائي ..

writing 1: مع مس سحر نصيف ما شاء الله قمه واخلاق لابعد درجه وكلاسها مرح جدا وتحب اللي يهتم بالماده وتطلب منك واجبات بس انتي حره اذا تبغي تعمليها ولا لا لان الفائده راح تعود لك ...
الماده تحتاج منك كميه كبيره من الفوكابلري والمقدره على صياغه الجمل بالشكل الصحيح مع مراعاة القواعد الاملائيه وعلامات الترقيم ووو.......الخ .

listening&speaking : مع الاستاذه / سهام فطاني ..
برضوه المشكله في المنهج اللي هي مقرراه علينا اسم الكتاب : MOSAIC الكتاب صح مفيد من ناحيه الفوكابلري بس في نفس الوقت ما استفدت منه القدر الكافي مقارنه بصديقاتي اللي اخذوا عند استاذات مقررين عليهم كتاب TAPESTRY اعتقد كذه اسمه ..
وطبعا توزيع الدرجات مختلف عن كل الشعب الدوري واحد بس من 30 درجه و الفاينل من 40 والبرزنتيشن عن GLOBAL WARMING من 30 درجه والموضوع نسبيا معقد اشوي باعتبار ان اغلب مصطلحاته علميه لكن الحمد لله مفيد جدا ..

بالنسبه للفرنسي 1 مع الاستاذه القديره / صالحه القحطاني ..
قد ما امدح فيها ماراح اعطيها حقها هذي الاستاذه ماشاء الله معطاءه لابعد درجه واخلاق وذوق ..
والماده بالنسبه ليا كانت جدا ممتعه بس المتعب فيها انها تعتمد بشكل كبير على الحفظ ولانهم يحاسبوا على الكتابه فيبغالها تركيز ...لكنها الماده رائعه وتعتبر من المواد اللي تساعدك على رفع المعدل اذا حبيتي الماده واجتهدتي فيها لانه في بنات خالفوني الراي ..

اتمنى اني اكون افدتكم
واتمنى القى اللي يفيدني عن استاذات المستوى الرابع ...
اعتذر على الاطاله ...
وكل عام وانتم بخير ...