رد: طالبات المستوى الثالث والرابع سابقاً شاركونا خبراتكم
بالنسبة لتجربتي الترم إللي فات فكانت كالتالي :
Listening & speaking1 كانت مع أستاذة إيمان سلامة ( إن شاء الله إنه الإسم صحيح) بس هي إسمها إيمان أكيد وأعتقد إنها والله أعلم مغربية وللى جزائرية ( حاجة زي كدة يعني) المهم, شرحها كان زي وجهها لأنه المحاضرة المفروض تكون ممتعة جدا لكنها في قمة الملل معاها وإللي ما عندها خلفية كويسة في الإنجليزي تحس إنها مضيعة معاها ولكنها في الدرجات ما تظلم = تعطي كل وحدة الدرجة إللي تستحقها بالضبط
وبالنسبة ل Reading1 فكان مع أستاذة ريم السائحي وكانت بالنسبة لي صراااحة راااائعة لأني أحسها فاااهمة إيش قاعدة تعمل وما تجاوب أي شيء أو تخرف أي حاجة = وكمان في موضوع الدرجات ما تظلم أبدا إن شاء الله ( ونفس الشيء هي كمان يا مغربية أو جزائرية أو تونسية) يعني من دي الطقة !
وال writing1 فكان مع الست هانم حنان جبر إللي شرحها يغيظني على الآخر والأدهى والأمر عدم مراااعااتها في موضوع الدرجاات بصراحة أنا حاااسة وبدرجة كبيرة جدا بأنها ظلمتني في الإمتحان وأنا والله إني كنت أستحق درجة أعلى بكثير من إللي أعطتني هي لأني ما دخلت الإمتحان شختك بختك !! كنت كل شابتر يا حبايبي أقيم نفسي فيه بحيث إني أعمل قطعة لكل شابتر بكل القوانين حقته ..فهي جابت لنا في الإمتحان قطع معينة نختار منها وأنا إخترت موضوع جداااا كنت واثقة من نفسي فيه وكااان مدحش معلومات ومصطلحات ! الحمد لله طبعا عديت بس بدرجة ما كانت عاجباني
أرجو بأني أكون أفدتكم والله أعلم
|