عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 25-06-2005, 12:04 AM   #13

rakan

الصورة الرمزية rakan

 
تاريخ التسجيل: Feb 2005
كلية: كلية الهندسة
التخصص: الهندسة الصناعية
نوع الدراسة: متخرج - ماجستير
المستوى: متخرج
الجنس: ذكر
المشاركات: 863
افتراضي

السلام عليكم

بالنسبة للـ Ie255 فترى أعرف واحد أخذها الصيف الفات وقال انه سراج عابد هو الوحيد اللي يعطي كامل المنهج وبالذات في الصيف (يعني اللي حيدرس بالصيف حيكرف أكثر لأنه سراج يعطي شباتر زيادة عن الترم العادي وغير انه الدوام جدا جدا جدا زفت بمعنى فعلا زفت فهو يعطي أحد وثلاثاء وواحد من دي اليومين يعطي فيها ستة ساعات كاملة ومتواصلة والبريك خمسة دقائق لصلاة الظهر وأخرى لصلاة العصر) ترى هو يعطي الساعات كاملة ( تخيل نفسك بتاخذ مادة ست ساعات متواصلة والله حتزهق روحك وكل ماتطالع في الساعة تلاقي لسا بدري) واليوم الثاني مدتها ثلاثة ساعات

ولكن الشي المميز في الصيف انه الواحد ياخذ درجات أحسن من الترم العادي ولكن لاتزال المادة صعبة حتى في الصيفي وأسئلة الدكتور سراج تعتبر سهلة نوعا ما مقارنة بالترم العادي


أما بالنسبة لشفيع: فأنا أخذت عنده Ie 332(استات 2) و Ie321(فنتدمنتال) وتراه جدا يكرف ويهلك كل يوم واجبات وشرحه صراحة يوم يكون كويس ويوم يكون شرحه زفت ولكنه يعطي درجات رغم انه في البداية يكون جدا جدا زفت في التصحيح (يعني الامتحان يا علامة كاملة ياصفر) ولكن زي مايقولوا بعض الشباب انه (شفيع فاينل) يعني في النهائي اذا عملت في الامتحان كويس ترى يرفع درجتك مضبوط وينسى كل درجاتك السيئة معاه

 

توقيع rakan  

 

 

rakan غير متواجد حالياً   رد مع اقتباس