[pharm.d .s]

بسم الله الرحمن الرحيم


عدد سكان السعودية (22,673,538)عدد المواطنين السعوديين ستة عشر مليونا وخمسمئة وتسعة وعشرين الفا وثلاثمئة واثنين يمثلون (72,9 فى المئة) العدد الاجمالى للسكان.

عدد الذكور السعوديين ( 8,285,662) بنسبه (50,1 فى المئة) من مجموع عدد المواطنين.

وعدد الاناث (8,243,640) مواطنة أى ما نسبته (49,9 فى المئة) من عدد المواطنين.


طيب يعني نص المجتمع الإناث في أكتر من موضوع شفت انو كتير ناس مابتأيد عمل المراءة
الي بصراحة صدمني انو دا تفكير ناس جامعيين <<ماقصدي انتقص اي احد بس لانو المفروض يكونوا اوبن مايند اكتر من الناس التانين
المهم
انا من وجهة نظري احترام انو المراءة مراءة والرجل رجل يعني ما ابغى احد يتعدى على صلاحيات التاني والمفروض كلا الطرفين يحترم خصوصية الجنس الاخر
يعني لازم يكون في الدكتورة والمدرسة والمحامية و ...............و.............. الخ
ايعني انا لو خربت اسناني ما راح اكشف واروح لدكتور اسنان ان شاء الله لو مافي غير دا الدكتور واحسن دكتور بس تتكسر ولا اروح لدكتور
لو مرضت واحتجت عملية استحي اروح لجراح اصلا نص الاسئلة المتعلقة بحالتي الطبية راح تكون حساسة واستحي ارد عليهاااا
لو عندي مشكلة في القضاء كيف راح يتعاطف معايا محامي السايكولوجي والفسيولجي تبعتوا غير
طيب اش الحل
نجيب ناس من برا يسوا الشغلات دي ؟؟؟؟؟؟؟؟؟؟؟؟؟
ياربي بس ماراح يفهموا
انا ابغى بنات بلدي الي يفهموا عليا طبعا مجتمعنا غير باقي المجتمعات وماراح يفهمونا ناس مايعرفوا عاداتنا وتقاليدنااا
انا اؤمن بقدرة الفتاه السعودية على النجاح وانو تجلس في البيت ظلم واجحاف في حقهااا بصراحة لانو زي مومحتاجينها جوا البيت محتاجينها برا بدون مايطغى جانب على جانب ؟؟؟


اخر شيء لو احد شايف انا غلط انا ارحب بالنقاش ؟؟؟