حابه انصح كل من تأخذ مقدمة الأدب مع سهام فطاني لان في وقت أخذت المادة وكثير زيي ما كنا عارفين وش المطلوب منا وكيف نذاكر وكيف حتجي الأسئلة ومعليش يمكن يكون مكان الموضوع غلط ما ادري حسيت يكون مستقل أحسن عشان يوصلوله البنات ولو تبغوا تخلوه تجمع لكم كمان زي ما انتو حابين وإذا امبراطورتنا شايفة غير كذا على عيني وراسي
*أهم شي قبل ما تبدأي تذاكري يكون عندك خلفية عن المادة طبعا المادة عبارة عن 3 اقسام الي هيا الشعر، الرواية، المسرحية
- ــــالشعر بيكون معاكم 11 قصيدة والرواية بتكون الى حدما قصيرة اما المسرحية بتكون طويلة
- انا انصحكم تبدأو من بدري خصوصا القصايد لانها مهتمة فيها كثير وبيكون الدوري الاول عليها والاسئلة مقالية يعني تكتبي برقراف من 7-8 اسطر ومافي سؤال محدد تجيب بيتين او مقطع طبعا هي تحب طريقة معينة فالاجابة هي انك تبدأي بالتعريف بالقصيدة واسم الشاعر بعدها على طول تبدأي تكتبي الثيم وتشرحي نفس الثيم عن طريق الأبيات مو تجلسي تشرجي الأبيات نفسها وتقولي الشاعر قال وقال لا ما تبغا كذا تبغى اش الابيات الي تؤكد الثيم مثلا اذا كان الثيم عن الطبيعة وجمالها حيكون التفصيل من الأبيات انك تذكري أش قال الشاعر عن جمال الطبيعة وكيف وضح جمالها عن طريق التشبيه أو المقارنة أو أي صورة جمالية ذكرها لان في كثير بنات كتبوا ملخص للأبيات نقصتهم، وكمان في بنات ضيعوا وقتهم وحفضوا اشياء وكتبوها وراحت درجاتهم زي مثلا تقسيم الأبيات والرايم" القافية" والتركيب
- ان شاء الله وصلت الفكرة
- ونصيحتي لكم إنكم كل ما اخذتو قصيدة ترجعو البيت وتبحثوا في النت في كذا موقع مفيدة وتكتبوا جورنال وتوروها صدقوني راح تعرفوا على طول أش تبغى وبكذا تكونو كتبتو لكل قصيدة فاذا جاء الاختبار ما تتوهو مع الاوراق وكثرتها بس تعتمدو على الورق المكتوب عندكم وبس ،ومن شرحها اكتبو الي تقوله مثلا
- وحتفيدكم في الفاينل اكثر لان الاسئلة محددة symbolism,image personification,comparison,…..
- يعني تقولك وضحي التشبية او الرمزية او ......
- القصايد تقريبا اكثر شي يتعب في المذاكرة والقصايد متفاوته في صعبة وفي سهلة
- ــــ اما بالنسبة للرواية فافضل شي انك تقرأيها قراءة سريعة فالبداية ومو شرط تترجمي كل كلمة أهم شي تفهمي القصة وبعدها ممكن تقرأي ملخص لها وتترجميه عشان تفهمي أكثر وتذاكري الشخصيات وتسوي مقارنة بينهم واذا طلبت الثيم الي هو مقارنة بين الحضارة الأمريكية والأوروبية وتوضحي لها ان المقارنة وضحها الكاتب عن طريق الشخصيات وتكتبي عن كل شخصية السؤال الي جانا في الدوري الثاني كان اكتبي "البوينت فيو" للرواية؟ طبعا كانت الاجابة على شكل ايسي فيما لايقل عن 20 سطر، كثيرة شوي بس اذا رتبت افكارك تسهل عليك وهي تحب تكتبي اسم الكاتب والرواية وتحطي تحتها خط " تهتم بالاشياء الصغيرة هذي" وتكتبي الثيم حتى لو ما طلبته ووتكتبي الي طالبته وتربطينهم ببعض يعني بالعربي كثري كلام تنبسط
- ـــــ أما بالنسبة للمسرحية اختبرنا فيها في الفاينل بس وكانت الأسئلة كم كوتيشن وطلبت نشرحهم طبعا المسرحية مافي أي شي مفيد عنه في النت كل إلي ذاكرته من أوراق من البنات الله يسعدهم واذا احد يبغاها حاضرين والثيمز الي قالتها لنا وبس واسئلتها في تجمع الاسئلة كتبتها وحدة واذا افتكرت شي كتبته ان شاء الله
وإذا عندكم أي استفسار أنا مستعدة