[بطيخه حمرا]

المشاركة الأصلية كتبت بواسطة @فراشة الربيع@ جاااااااااء دوري الله لايهينكم الجاااافا أخذها مع مييييين نظري ولاب! مقدمة إدارة نزلت عند غاااادة نعمة الله كيف كويسة ! عربي عند وحدة إسمهااا باحميد تشرح ولا ! مقدمة نظم في الخطة كاتبين 3ساعات نظري و1 عملي و 1 تدريب ! التدريب أيش تطلع رزلتهاااااااااااااااااااا مو ! لكن إن شاااء تستفيدوا وتفودوني

انا راح اقولك ياعزيزتي على الي اعرفه وإن شاء الله يفيدك

الجافا انا اخدتها مع أ.بدور باوزير
والله انها استاذه مررررررره طيبه وحتى والله المشروع حق نهاية الترم ماظلمتنا في درجاته
وعليها دوريات زي المويه بس مشكلتها ماتفهم أو ماتعرف توصل المعلومه ولو تبغي تعرفي المعلومه لازم بطلوع الروح يعني لو ماتروحي المكتب وتسأليها الف مره وتتمرني قولي عليكي مافهمتي شي وانا بصراحه اهملت مررره آخر الترم فكرت اني افهم بس انتي لاتسوي كده كوني وراها وراها اهم شي الراحه النفسيه مع الاستاذه دي وجهة نظري

مقدمة اداره انا اخدتها مع د.اسماء باهرمز كانت تعطينا ورق وتجيب كتير من الأسئله منو ماعرف دي الي انتي حتاخدتي معاها بس الله يوفقك على كل حال
وفيها مشروع بس على حسب استاذتك

وعربي ماعرف مين دي برضو الي قلتي عليها بس عادي زي الثقافه زاكري وتأتي الامتحانات بما لاتحتوي الكتب ...لا امزح الله يوفقك يارب

مقدمة نظم الله يعينك ويسهل امرك في دي الماده زي الحوسبه تلات مرات يعني كللللها كلام يمكن اول ماتدرسيها تنفجعي منها لأنها طويله بس بعدين راح تتعودي وفيها معلومات مهممه و الله يرزقك استاذه تعرف تشرحها كويس وإنتي عليكي تزاكري والتوفيق من ربنا
هيا فيها مشروع تسلمي آخر الترم ومافيها واجبات كتير بس في كويزات صغيره ومهمه مره لاتهمليها تساعدك في تحصيل الدرجات
انا درستي أ.نوف البركاتي الله يستر عليها بس ...لاتعليق
وماعرف اش دا التدريب شي جديد ...عادي مو غريبه على الجامعه كل شويه موضه جديده
الله يسهل امرك

ودا كل الي عندي لأسئلتك وإذا حبيتي تعرفي اشياء اكتر او احتجتي تصوري مني ورق مراجعه او شي زي كده انا موجوده وإن شاء الله إني افيدك

وبالنسبه للأخت روبي ما شاء الله الأخت فراشة الربيع كفت ووفت بس احب أأكد على كلامها واعيد وازيد
ابببببببببببببببببدا لاتاخدي مع سمر طاهر الله يجيرك منها
والله يوفقك ويكتبلك كل خير