[الصقر 02]

المشاركة الأصلية كتبت بواسطة أسماء بنت الزهراني ماني على ماهويت أنصاع ياسيدي أنا بنت الرجال وبنت الحمايل إلى متى بظل أعيد وأزيدي ماهو بأنا اللي بكلمتين ورسايل ماهو بأنا اللي عن دروبي أحيدي ولاهو بأنا اللي لك شعوري تمايل عرفت ويش اللي تبي واللي تريدي كم قلت هذا القول لبنت أصايل إذا أخذت الشرف وأنته سعيدي عني إذا انفضحت منته بسايل أمي تطيح وأبوي أرضه تبيدي وأنته سعيد ولا أنت للهم شايل هدد أخوي وقال بقتلها بإيدي فضيحتي صارت بين قيلٍ وقايل إذا اقطعوا راسي ورجلي وإيدي والرجم جاني وصار الدم سايل " وأختي رموها خلف قضب الحديدي وياما اضربوها واعملوا فيها العمايل " وعذبوها دون ذنب أكيدي البنت تعمل شئ وأخواتها بالمثايل الله يجازيك وهو أقرب من الوريدي فرقت شمل أهلي وكل الشمايل وفي الحقيقه ماقربني مكيدي مادامني أعرف كذبهم والتحايل مادام عندي كل شي أريدي ماافضح هلي بين العرب والقبايل هذي وصيه قبل ذيب يصيدي لكل بنت طيبه فيها الخصايل ووصيتي في الكون لا جا وليدي قبل الندم ربوه على أكرم خصايل وسلامتكم ............................................ ترى حقوق النشر محفوظه !! هاه ماتقولون ماقلت فيها سجن ما ألعب أتمنى أجد نقد يفيدني مستقبلا لأن جاني نقد قبل كذا بس كان تحطيم وحياكم الله .. أنتظر آرآئكم وتعليقاتكم

صح لسانك أخت " أسماء "
وما شاء الله أبياتك جميلة وذو هدف " سامي "

ملاحظاتي :

- ممكن تشرحين لي اللي وضعت عليه خط
لأنك قبل اللي تحته خط كنتِ تقولين إذا و إذا يعني لو اني انصعت لما تريد
وبعدين تقولين " ياما اضربوها واعملوا "
فـ " ياما هنا عندي تدل على الماضي " فكيف تقولين " إذا " وتعنين لو انصعتِ
وبعدين تقولين " ياما "
ان شاء الله فهمتي استفساري ؟؟

- ما لُـوّن بالأحمر واقصد كلمة [ الخصايل ]
يعتبر من الاخطاء الشائعه بحيث لا تكتب نفس القافية ورى بعض
من الافضل عدم تكرارها أو اذا اردتي تكرارها فيكون في الغالب بعد سبعة ابيات على الأقل

- عدلت بعض الكلمات أتمنى تقبلين التعديل

وعساك سالمه ان شاء الله

وعلى قولة الأخت " صوت الفجر "
[ حقوق المخ محفوظة ] إن شاء الله

وموفقهـ