[aymans]

المشاركة الأصلية كتبت بواسطة βαrЪiе βłσŋde ʚϊɞ ساعدوني بخصوص هالموضوع أنا تخرجت من الثانويه صارلي فتره طويله تخرجت عام 1425 حابه أكمل دراستي عن طريق التعليم عن بعد بس قبل ماأقدم على هالخطوه حابه أستفسر من ناس يدرسون بالتعليم عن بعد و تخصص إنجليزي بالذات لأني ماأدري عن طريقة التعليم عن بعد و كيف طريقة الإختبارات ؟ أنــا من برى مدينة جده عايشه في محافظه من محافظات المدينه المنوره حابه تخبروووني بكل أمانه كيف طريقة الدراسه التعليم عن بعد ( سهله ، صعبه ) + كم عدد سنوات الدراسه بالضبط ؟ + كيف تخصص الإنجليزي ؟ + كيف طريقة الإختبارات ؟ + كيف طريقة متابعة المحاضرات و متى مواعيدها بالضبط ؟ + متى أسجل لو حبيت أدرس الترم الثاني ؟ ماوودي أنـدم و أحوووس بالمواصلات بالأخير أتركهـا و ماأستفيد شي جزاكم الله كل خير ساعدوووني الله يساعدكم و يوفقك دنيا و آخره و يسهل عليكم كل صعب الله يسسعدكم بالدارين يارب

انصحك سجلي وكملي دراستك.. وبما انك في المدينه اتوقع لازم تختبري في جده.. لان اختبارات المناطق في المدن الرئيسيه. والدراسه سهله جدا والمحاضرات واضحه وتقدري تحضريها في اي وقت لو ماتقدري تكون عالوقت المحدد. والرسوم 3000 في الترم.. وتخصص الانجليزي سهل ان شاء الله والمنهج الالتكروني في الايميس واضح وبالصوت والصوره. والدكاتره متعاونين من رأيي. وطريقة الاختبارات خلال الترم عن طريق نظام الايميس يعني ينزلون لك في الايميس في خانه الاختبارات اختبار جديد وتدخليه وله مده معينه بس انتبهي ماتقفلي المتصفح او تخفيه عشان ماينلغي ويظنو انك جالسه تغشين. والواجبات نفس الشي ينزلوها ولك مده محدده ترسليها فيها توصل الى شهر.

عموما دراستك بتكون عن طريق الايميس.. ومعاملاتك والجداول والحذف والاضافه وغيرها عن طريق نظام الاودس.. وتقدري بعد تقدمي معامله ( شكاوى ... الخ ) عن طريق موقع التعاملات الالكترونيه.. الحمدلله كل شي ميسر والجامعه ماقصرت صراحه بس يبونا نجتهد. وبالنسبه للاختبارت النهائيه راح تكون اما اختبار مناطق في احدى معاهد العالميه او في جده في نافس الجامعه او الكليه.

توكلي على الله واذا احتجتي شي الاخوان والاخوات الزملاء مراح يقصرو معك.