[white rose]

تجارب الطالبات مع أ. نجوى الغريبي

انتظام

المشاركة الأصلية كتبت بواسطة nour al3mr د. نجوى الغريبي غنية عن التعريف الله يحفظهـآ قد ما حتنكرفوا و تطلع لكم قرون ع قد ما بتستفيدوا و تلاقوا ثمآر تعبكم بالدرجـآت الطيبة إن شاء الله

المشاركة الأصلية كتبت بواسطة 9code الإستماع والتحدث 2 (أ. نجوى الغريبي) : طبعاً معروفة الأستاذة نجوى الغريبي الله يسعدها تختبر ثلاثه اختبارات دوري والدرجات أول بأول ترسلها عالأيميل .. البرزنتيشنات كمان خلتنا نسوي اثنين واحد نسويه لوحدك كالعادة بس هنا خلتنا نختار الموضوع الي نبغاه وفتحت لنا المجال وأنا سويت عن graphology و وحدة سوت عن الكوزبلاي في اليابان وكذا يعني .. أما الثاني ف قروبات وكان اختيار بنات القروب عادي اذا الصحبات وزي كذا .. وكان نفس الشيء عن العصور الرومانتيك والفكتوريان والدارك وكذا ... كانت الأستاذة تخلي يوم السبت والاثنين أيام شرح أما يوم الأربعاء ف كان الغياب فيه والحضور ب 3 درجات ! يعني على كل اربعاء تغيبي 3 درجات تروح عليكي ! لآنو يوم الأربعاء كانت مخليته للدسكشن في الكلوب مو في الكلاس وكان عن أي موضوع يختاروه وكذا يعني كلاس تدخلي تسولفي فيه وتخرجي تاخذذي 3 درجات وكانت كمان الأستاذة مخليه 6 درجات بونس اذا حليتي الأوراق الي توزعها ورجعتيها لها أخذت ف المادة a طبعا كان يمديني بالراحة أجيب الفول مارك وأي أحد يقدر يجيبها مع البونس بس الكسل والمذاكرة للاختبار ف الجامعة فنفس اليوم وكمان الخرجات من الجامعة فشدوا حيلكم ويمديكم تجيبوها بالراحة

المشاركة الأصلية كتبت بواسطة banana| مادة الاستماع والتحدث 2 : ( مع أ. نجوى الغريبي ) الدرجات كانت متوزعة على مجموعة اختبارات قصيرة كل واحد من خمس درجات و20 درجة على المناقشات ( كل أربعاء تصير مناقشة في موضوع تختاره الأستاذة قبلها) و من 2 – 3 برزنتيشنات في مواضيع تختارها الأستاذة، المادة تعتمد على مذاكرة الطالبة للنوتس اللي تاخذه مع الأستاذة ومن الجزئيات اللي تحددها الأستاذة في الكتاب، الله يسعدها مس نجوى كانت مخففتها علينا وتعطينا المختصر المفيد، بس الاختبار النهائي نوعًا ما كان يحتاج تركيز شديد جدًا جدًا بعكس الدوريات، من الأشياء اللي ما حبيتها في هذه المادة، إن أي غياب في أي دسكشن يطير من الطالبة درجتين كاملة، حتى لو كانت الطالبة جايبة عذر قوي أو تقرير طبي، يعني الأستاذة ماهي مرنة في هذه النقطة، وبالمقابل كل البنات اللي حضروا معاها الدسكشنز أخذوا الدرجات كاملة حتى لو كانوا مايشاركون أبدًا.

المشاركة الأصلية كتبت بواسطة مني يغار الورد استاذة نجوى الغريبي- نقد أدبي بصفة عامة انسانة رائعة ومريحة جدا بالنسبة للمنهج كان مقرر 20 كويز 1- 20 كويز2 – 20 بحث بس نظرا لانها كثرت علينا واجبات جدا كنسلت البحث وخلت الدرجات ع البوب كويزيز و الواجبات طبعا المحاضرات كانت تحط كل عمل ناقد بموقعها وتطلب مننا نقراه ونجي ننناقشه معاها تشرح من سلايدات فالافضل انه تكتبو معاها خصوصا الخمس نقاد (بلاتو-ارستوتل-لونجاينس-سيدني-جون درايدن) ماكانت تحطها بالموقع تبعها اما المدارس نزلتها ع موقعها :) المنهج كريه بس ماشاء الله عليها توصله لك بطريقة رائعة وتدي المهم تحب ان الطالبة تفهم معاها وكمان اسئلتها غالبا تعتمد ع الفهم نصيحة مهمة مذاكرة كل ناقد اول بااول لانه في كم ناقد عنده افكاره العجيبة فحلو انه ترسخ من البداية عشان ليلة الاختبار تكونو مرتاحين بس مراجعة كثير تعتمد ع التطبيق تجيب عمل تقولك اقرايه وطبقي ع الشيء الفلاني >تتاكد من فهمك وهنا رابط باسئلة الاختبارات http://www.skaau.com/vb/showpost.php...3&postcount=22

المشاركة الأصلية كتبت بواسطة صِبا مس نجوى الغريبي استماع 1 مس نجوى من الاستاذات الي يفيدوكِ جوا الكلاس و بعد ماتخلصي الكورس معاها من كثر ما طريقة شرحها رائعة،تتعامل برقي و أخلاق و ماتقبل عربي بالكلاس أبدًا حتى سوالف بينك وبين صديقتك تقول انقلش خخخ .. منتظمة بمواعيدها و ماعندها مانع تسمع لإقتراح أي بنت ماشاء الله عليها لاحظت اني لما اتكلم ما تقول اوكي و تسكت لا تحاول تحجر لي عشان أتكلم زياده و هذي النقطة مرة حبيتها فيها تنمي قدرة البنت على الكلام بطلاقة. انسانه تدرس بضمير و تحاول قد ماتقدر إنها تساعدك، اختباراتها تجننننننننننن ، ماتجيب لنا اشياء كثيرة من الكتاب لان مواضيعه ممله و ما يستفاد منها، التراك الي نسمعها كلها من برا الكتاب و أسهل بكثيير منه ، حتى الفوكاب تعطينا فوكاب من برى الكتاب كلمات مهمه و نسخدمها كل يوم .. نظامها دوريين كل واحد منهم 20 درجة و 2 برزنتيشن كل واحد عليه 10 و 40 نهائي، اسئلتها عموماً سهله و جميله () كانت كل اسبوع تعطينا موضوع نتكلم عنه بكلاس الربوع و تخلينا نقوم و نتكلم يعني القاء من غير عرض،وأحيانا تخلي الكلاس نفسه سبيكنق بس نتناقش حول أي موضوع و ماترضى أحد يقعد ساكت لازم كل بنت تشارك . برضو أخذت معاها لسننق 2 .. كان زي 1 مافي اختلاف كثير و سهل جدا . نظام الدرجات غيرته عن لسننق 1 .. خلت 25 درجة على السبيكنق ! كل ربوع كان عندنا دسكشن بموضوع احنا نختاره قبل و اذا شاركتي و تكلمتي تاخذي درجتين عن كل محاضرة دسكشن و يصير التوتل 25 درجة مستوعبين كيف 25 درجة بيدك بس تكلمي و تاخذي درجات خخ ، كان فيه 3 اختبارات دورية كل واحد عليه 5 ! و 2 برزنتيشن كل واحد عليه 10 و يصير المجموع كلو 60 درجة . مع مس نجوى الغريبي كتابة 2 .. أعتبر نفسي محظوظة صراحة لأني قدرت أخذ معاها 3 كورسات و لله الحمد المنهج عموما غثيث شويه فيه بحث من 6 صفحات تقريبًا كان غثيث بس مس نجوى الله يسعدها سهلتة لنا كثير، خلتنا نسوي مجلة اشتغلنا عليها طول الترم و يوم الـ achievement day وزعناها على الدكتورات مررررة انبسطوا بشغلنا. بأختصار الي تشوف اسم مس نجوى بالاودس و لا تاخذ المادة معاها هذي ضيعت على نفسها شي كثيييير ، بجد انسانة رائعة كل ما افتكرها أدعي لها من قلب

المشاركة الأصلية كتبت بواسطة i will do مودرن مع د-نجوى من اروع المواد اللي درستها والحمدلله الراويات تعتمد ع الفهم واهم المعلومات -اختباراتها القصيرة سوال او 2ا-ذا حضرتي الكلاس تعرفي المفيد وتذ اكريه اسلوبها رائع وراقي تعطيك فرصه2وتعذرك - درجااات البنات كانت مرررررررررة حلوة

---

تجارب طالبات الانتساب مع أ/نجوى الغريبي

المشاركة الأصلية كتبت بواسطة شخصية مستهدفة مس نجوى الغريبي 449 مودرن ليترتشر شرح قمه في الرووووعه + أسئلة روووووووووووعه = نجاح بأعلى الدرجات ربي يوفقها و يسعدها وين ما كانت

المشاركة الأصلية كتبت بواسطة ام حمدان مقدمة الادب341 مع مس نجوى الغريبي شرحها جدا رائع ماشالله وواضح حتى مفرداتها الي بتستخدمها في الشرح جدا سهله ومفهومه للكل محاضراتها جدا مهمه لانه من خلالها تعرفوا اسلوبها واسلوب اسئلتها والنقاط المهمه الي المفروض تكتبوها في اجوبتكم اسئلتها كانت شامله للمنهج كله تقريبا وكانت الاسئله مباشرة جداً وتفهما المطلوب من السؤال على طول وجدا طيبه وماتظلمكم في الدرجات ابداً الله يسعدها ويوفقها وين ماكانت :) اسئله اختبارها كانت جزئين جزء مقالي تسئل عن امور اساسية وواضحه زي الثيم والشخصيات ومنها سؤال طلبت نحلل فيه قصيدة ونشرح استخدام الشاعر للعناصر فيها زي الثيم والاستعارة وكل الصور الي فيها الخ وجزء اختيارات على القصايد تكتب ابيات واسم الشاعر والقصيدة وانتوا تختاروا الصورة الجمالية الي في البيت اخذت معها كمان مناهج بحث 331 وبرضو كانت رائعة ومتعاونه معنا في المادة طلبت مننا عمل بحث عن اي عمل ادبي وشرحت لنا كيف نعمله وكانت ترسل الخطوات لنا عالايميل والجدول الي محدده فيه مواعيد كل خطوة ومتى ينتهي وقت اخر خطوة وكل خطوة ترسلها لنا نبدا مباشرة بكتابتها والعمل عليها وبعدها نرسلها لها تصححها وهي ترجع ترد ان كان فيها اخطاء تحط ملاحظاتها حتى تعدلها الطالبة وان كانت اوكي ترسلها الخطوة الي بعدها وهكذا واخر خطوة الي هي الطباعه وبعدها التسليم يكون بالعادة نفس يوم اختبار المادة والبحث كان على وقتنا عليه 30 والفاينل عبارة عن اسئله على المنهج المقرر جابت اسئلة منوعه بين مقالي وموضوعي واضحة الحمدلله وكان عالاختبار 70 بالتوفيق

المشاركة الأصلية كتبت بواسطة white rose مس نجوى الغريبي الله يسعدها رائعة بكل ما تحمله الكلمة من معنى واخلاقها جدا عالية من الاستاذات اللي اتشرفت بمعرفتهم وشوفتهم هيا ومس ليلى الله يرضى عنهم .. درست مع مس نجوى مقدمة في الادب وكانت لسه جديدة وتوها متعينة وكانت مرتبة الدوروس على شكل سلايدات عجبني فيها اهتمامها بالطالبة وتحضيرها لدروسها وفي الاختبار كانت تشجعنا نكتب ارائنا حسب ما نراه مناسب ودعمتنا وصححت لنا على هالاساس للامانة لو ما درست الادب مع مس نجوى ما كنت حبيت الادب .. انصح البنات اللي يدرسو معها بمتابعة موقعها لتحميل الدروس وحضور الكلاسات لانها ما تطلع عنها ابدا .. ايضا درست معها مناهج بحث وكانت ترسل لنا على ايميلاتنا الدروس والواجبات المطلوبة مننا ومشيت معها بالخطوات للبحث حتى انتهيت وكانت ترسل لي وتصحح لي الله يحفظها بدون اي تذمر او تضجر ومتعاونة لاقصى حد مع الطالبة طالما انتي مستعدة انك تشتغلين هيا راح تساعدك .. الكورس معها ممتع لاقصى حد وانصح الكل ينزل معها اي مادة ولا تفوتهم فرصة الحضور معها

المشاركة الأصلية كتبت بواسطة كنز المعرفة أستاذة نجوى الغريبي- النقد الأدبي - أكثر من رائعة, شرح و أخلاق وأسئلة اختبارها ما خرجت عن شرحها.

المشاركة الأصلية كتبت بواسطة mezajya النقد: د. نجوى الغريبي اممم والله مدري ايش اقوول بس شرحها جيد جداا وحتفهمي معاها كوويس بس المشكله الرئيسيه اللي كانت معاها في الكورس انها خلتنا كدا تايهين كانت بتشرح طريقة النقد بصفه عامه مماكانت تدخل معانا ف تفاصيل ولا طبقت معانا بالضبط ..صح طبقت ع نص بس كلو شفوي وفكره عامه بس الاساس والتفاصيل و كيف المفروض تكون الاجابه الصحيحه كيف نكتب جوابنا ما شرحتلنا :/ اختبارها كان 60 على 3 اسئله ايسسي وجدول اكتبي المصطلح وككلها من المراجعه تبعها وسؤال تطبيق للنقد عليه 40 للأسف الاختبار كان جدا طويل وماكان في وقت نفهم القصيده بالضبط ونقدر ننقد ونرتب الافكار ماحبيت الاختبار للأسف :/