[white rose]

تجربة لاخت مبتعثة الله يجزاها خير :

المشاركة الأصلية كتبت بواسطة jory-bndar -المستوى الدراسي للطالب/هـ وقت الابتعاث ؟ من شروطه ان الطالب يجب عليه انهاء مواد البيسك .. ويحضر المقابله الشخصيه وحسب ما سمعت شخصيا من الاستاذه نسرين الحربي انهم بعد المقابله يسوون اجتماع خاص ويقيسون مستوى الطالب بمواد البيسك وع اساسه يسوون المفاضله -تجربتك مع اختبارielts والتحضير له ؟ الايلتس كان نوعين اكاديمي والقسم الثاني والله ما يحضرني اسمه المهم ذاكرت اون لاين وكان الاختبار بالمعهد الثقافي جدا سهل نوعا ما ... كان 4 اقسام الاستماع مثل ما درسنا بالضبط بماده الاورال نفس الطريقه نسمع لقطع ونحل عليها .. القراءه كان اصعب شي عندي لان اعطونا 7 قطع والوقت ما كان يساعد انجزها كلها والاخيره فاتت علي .. الكتابه كان سهل بس اهم شي الطالب يحط من ادوات الربط مثل however.. Moreover ect... وتكون الجمل صحيحه مافيها فراقمت وكذا .. التحدث كان جدا سهل عباره عن مقابله عاديه تسال فيها وتجاوب بس انا وحده نصحتني انو احاول قد ما اقدر اخلي المحادثه funny ومو رسميه وصرت اضحك واسولف مع البريطانيه الي كانت تقيمني لدرجه انو نسيت الاختبار والحمدلله اخذت درجه حلوه فيه -فترة الأبتعاث من - الى ؟ كانت 9 اشهر والطلاب لما يراسلون المعهد راح يحددون لهم الفتره .. احنا كنا من 9 اكتوبر الى 28 جون -المواد التي تم دراستها قبل الابتعاث وتم معادلتها ؟ انا درست بس البيسك والمقدمات .. والي عادلوها لي مناهج بحث .. سمينار .. مقدمة بالعلوم الطبيعية .. علم الاصوات .. تدريب علمي -مستوى لغة الطالب/هـ تحدثاً وكتابتاً قبل الابتعاث وبعده؟ ما اعرف كيف اقيم بس الحمدلله ظروف المعيشه هناك وكوني اعرف اللغة افضل من المرافق اضطريت استخدم اللغة اجباري وهذا الشي حسن لغتي وطلاقتي بالتحدث -أكثر أمر أو امور من وجهة نظرك كان له/لها تأثير كبير في تطور مستوى اللغة الانجليزية لديك اثناء فترة الابتعاث؟ العيشه هناك بصفة عامه لها دور كبير في تحسين اللغه بشكل واضح طبعا اذا الطالب حاول يستخدم لغته قد ما يقدر -مهارات تم اكتسابها خلال فترة الابتعاث ؟ او مهارات كانت موجوده لديك وساهم الابتعاث في صقلها ؟ التحدث بطلاقه بشكل مجمل -هل افادك الابتعاث واثر على معدلك بالسلب ام بالايجاب ؟ طبعاااااااااااااااااا وايجابا -البلد الذي توجه اليها المبتعث\ة ؟ وهل اتيحت لهم خيارات لعدة اماكن وجامعات ام كان المكان محدد مسبقاً ؟ مدينه نوتنغهام فقط حيث ان الجامعه متعاقده معاهم سنويا - علاقتك بالجامعة وقت الابتعاث هل كنت\ي على اتصال مباشر معهم ؟ عن طريق الايميل -العقبات التي واجهتك كمبتعث\ة ؟ الحمدلله لم تكن هنالك اي عقبات -نصيحة يوجهها المبتعث\ة لاخوانه واخواته المبتعثات ؟ بالنسبه للشباب انصحهم ان يسكون مع عائله بريطانيه محترمه لممارسه اللغه بشكل اكبر وبالنسبه للبنات انصحها تكون صداقات وتنسى شي اسمو عربي انا حاولت بالبدايه اتكلم انقلش مع البنات المبتعثات الي معاي بس اجباري الواحد ينسى وتلقائي يرجع للغته .. والحمدلله كونت صداقات من هنالك سواء بريطانين او انترناشونال المهم امارس اللغه معاهم قد ما اقدر .. وهالشي فادني كثيييييييير انا جاوبت ع السريع لاني مشغوله بالجدول والحذف والاضافه اذا في اي استفسار او توضيح اكثر ف ع الرحب والسعه .. ^_^ طلب اخير: اي عضو/ة منكم يعرف صديق/ة او قريب/ة سبق لهم الابتعاث يحاول الحصول منه على اجوبة للأسئلة اعلاه ونكون له/ـا من الشاكرين وفقكم الله جميعاً لما يحب ويرضى