 بسم الله
بالنسبة للموضوع فهو له علاقة بالأشياء المتعلقة بمسار تقنية المعلومات بوجه عام
عندي لكِ فكرة وإن شاء الله تفيدك
سوي سيرش في النت عن المواضيع ذات العلاقة بالتقنية وشوفي المواضيع اللي مو مرة حديثة
لأنه لمن تمشي شويه في المادة حتحتاجي شوية تفاصيل عن موضوعك اللي كتبتِ عنه
والمواضيع الحديثة جدا كانت مشكلتنا معها أنه مافيه كتب في المكتبة المركزية تساعدنا في البحث غير
أنه النت يكون فيه مقالات قليلة لمن تقرأيها تخرجي بكم جملة بس ،
نصيحتي لك أقرأي هذا الموقع
http://www.outsourcing-information-technology.com/
بشكل جميل وبعيد عن أجواء الرعب وبكل هدوء
وكمان ممكن تشوفي مواد قسم التقنية وتستعيني بعد الله بفهارس الموضوعات تبعها
عشان ممكن تجي فكرة كويسة تناسب الأستاذة.
بالنسبة للبحث تبعك ، حاولي تكون كتابته بشكل سليم وسلس وسهل ومن مصادر صحيحة
لأنه الاستاذة مسارها تقنية وقرأتها للمواضيع بتكون من وجه تخصص.
قبل لا تبدأي في اختيار الموضوع والكتابة عنه ، روحي للأستاذة وتأكدي هل الموضوع يناسبها ولا لا
عشان تمشي في التكليف بصورة مريحة وبعيدة عن التوتر وما تكوني عرضة لرفض الموضوع مستقبلا -لاسمح الله.
التكليف اشتغلي فيه بنفسك وحاولي تقرأي وتترجمي عشان المناقشة لو كانت فيه تكوني مستعدة بشكل ممتاز.
موفقة بإذن الله
وآسفة على التدخل المزعج
|
الله يوفقك ويسعدك وين مارحتي
عن جد خدمتيني بشكل كبيير
الله يجعله في ميزان حسناتك امين ياارب