عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 11-07-2009, 01:28 AM   #25

cinnabon

جامعي

الصورة الرمزية cinnabon

 
تاريخ التسجيل: Sep 2008
التخصص: اقتصاد منزلي تغذية
نوع الدراسة: إنتظام
المستوى: متخرج
الجنس: أنثى
المشاركات: 355
افتراضي رد: كل ماتريد معرفته عن قسم كلية الاقتصاد المنزلي (تغذية) سؤال ،، وجواب مع cinnabon

المشاركة الأصلية كتبت بواسطة dr.coffee مشاهدة المشاركة
cinnabon
كفيتي ووفيييييتي مشاللهنقرتين لعرض الصورة في صفحة مستقلة

بس عندي سؤال واحد عقب ماقريت كلامك
فيه وحده اعرفها داخله اقتصاد منزلي - تغذية
بس تقول مالقت وظيفة غير مدرسة اقتصاد منزلي بمدرسة أهلية!!!!
طيب شلون ماصارت فنية تغذية؟؟
ولو كملت ماستر وش ممكن تشتغل؟؟
هلا أختي
بالنسبة لحكاية انو الوحدة لما تتخرج من اقتصاد منزلي تغزية ووتوظف فنية
في كتير بيشتكو عن دا الشي انهم مابيلاقو او نفس المستشفيات ما يقبلووهم مع انهو التصنيف يقول عننا اننا فنيين
وانا اعرف وحدة كانت تشتغل في مستشفى الملك فهد
بعدينا طردوها عشان انو شهادتها اقتصاد منزلي مع انها شاطرة وعندها خبرات ودورات
بس البنت ماشاء الله ما ياست وراحت اشتغلت في نادي صحي وشاركت في محاضرات
وهيا دحين بتشتغل في مركز الابحاث وكمان بتاخد الماستر من كليتنا
واغلب المستشفيات كانو يقولولها لو تبي تشتغلي وتسيري اخصائية لازم تاخدي الماستر في تخصص تغذية علاجية
بس في دكتورة قالتلها انو لاتاخدي الماستر تبع الجامعة لانها مهي قد كدا لو تقدري خديها من برا
بس مسكينة بابتها مو راضي
ومو شرط الواحد يشتغل في المستشفيات يدور في المراكز والنوادي الصحية في مراكز الابحاث في المصانع في المجلات الي تهتم بالتغذية
حتى لو كان تطوعي على الاقل تاخد خبرة
في وحدة المعيدات بقسمنا أ. أسماء فطاني لو شفتو سيرتها الذاتية
كانت تشتغل قبل ما تسير معيدة في مركز أبجد للرعاية النهارية أخصائية تغذية وهيا متخرجة من قسمنا
وفي وحدة برضو شفتها كاتبة في منتدى انها اشتغلت 5 شهور في مستشفى ارامكو تطوعي
وبعدينا خلووها تسير اخصائية تغذية
واصلن الواحد دي الايام ماسار يلاقي شغل بسهولة لازم يتعب حبتين
وهيا خليها تحاول ترسل السيرة الذاتية Cv تبعها لكل المستشفيات
او المؤسسات او المستوصفات او المراكز المحتاجة لما ينزل اعلان ليها علطول ترسل عن طريق الفااااكس أو تروح بنفسها لإدارة التغذية والواحد ما يدري ربنا فين كاتبلوا الخير
وتحاول كمان تطور من نفسها تاخذ دورات انجليزي ودورات تخص بالتغذية

أحس دوشتك بكلام كتير بس ان شاء الله أكون أفدتك
:)

 

cinnabon غير متواجد حالياً   رد مع اقتباس