رد: خلوها تعنس ...!
السلام عليكم
تعليقا على ماذكر سابقا اليكم لآتي
بعد ما طفح الكيل وتخطى الموضوع الخطوط الحمرا
تخليت عن حسن الاصغاء وبادرت بالتدخل السريع
فقد لاحظت الهجوم المدعّم بالصواريخ السكوديه الكاذبه عالبنت السعوديه
وصحيح القَول في مثل هالحالات ~*لايضر السحاب نباح الكلاب*~ احنا غنيّات عن التعريف
واشهر من نار على علم
ان كان على الصعيد الجمالي فغالبية الشعراء كانوا ومازالوا يتغزلون بجمال بنات السعوديه
غير كذا جمالنا ''هبـــــه'' نحمدالله عليه مابدّلنا ولا عدّلنا
وان كان عالدلع فهي 'فـــطـــــره' من الله مو شي اصطنعناه زي غيرنا
واضافة الى هذا وذاك حسن التربية والاخلاق مشهود لنا فيها
وللسفيه اللي قال :::ترى الشين عندنا والزين حوالينا
فعلاً صدقت وماكذبت بهالشي لاني والله حلفت واللــــه ماقد شفت سعودي مزيون خُلقاً وخِلقتاً
الاّ اتشلح املح مغبر تقل طالع من مقبرة ولا متهاوش في صندقة دجاج
وان زانت خشته شانت علومه
غير كذا همج ماشافوا خير ويحبون الهياط ويزعطون على ولا شي
ويتميز الشاب السعودي عامة بـ شين الوجه وشين الاخلاق والجيب المنشق ((ماعنده دراهم))
ونادر مانلقى سعودي يخلو من العيوب التاليه المشهورة:ـ
الغباء العاطفي/الغباء الاقتصادي/الغباء الاصغائي/الغباء الاجتماعي/الغباء البديهي
ونقدر نفسر كل غباء بكم كلمه
الغباء العاطفي: مهب لم الرومانسيه جلف وجاف مايعرف يحب ويسمع بشي اسمه حنان
الغباء الاقتصادي:مايعرف يجمع قروشه هذا اذا كان عنده قروش ويصرف عاللي يسوى واللي مايسوى لنفسه بس اطلبي منه قرش يقولك ماعندي! ((ماعنده مخ تجاري))ـ
الغباء الاصغائي:يعرف يقرق مع ربعه ويعرف يسمع سوالفهم التافهه لكن وقت ماتجي زوجته او اخته او امه تسولف معه ورّاها عرض كتافه مو اقولكم غبي غباء عاطفي مايعرف يجامل ولا يحترم المشاعر
الغباء الاجتماعي:ماعنده لباقه وربّي عدّمه الذوق وفن التعامل مع الناس عربجي همجي كانه اول مره يتعامل مع بشر
الغباء البديهي:يعني ماعنده سرعة بديهه في تدارك المواقف الصعبه اللي تحتاج تصرف سريع وصحيح
يعني لو جبنا سعودي وحطيناه في 'مأزق' اول شي بيسويه بيعصب ويصارخ ماراح يتكرم يفكر اشلون يتصرف
بالمختصر لو فتح المجال لنا بالتخلي عن الزوج السعودي كان والله ثلاث ارباع بنات السعودية متزوجين اجانب اصحاب الرتب المرموقه جميلين من الداخل قبل الخارج
لكن شنقول الدوله خايفه تدجّون اكثر من دجّتكم وتصيرون بدون وظايف وبدون حريم سنعات يضفّونكم والوكاد انهم خايفين من حالات الانتحار نتيجة الاضطرابات النفسيه
واذا انتم بتحولون عالمناطق المجاوره الله يبشّركم بالخير
لان الارتباط قديما كان حلم كل بنت سعودية بس بعد مابانت الحقائق صار كابوسها لانها تدري بتتزوج وحش
وبدال مايجي فارس احلامها اللي يعيّشها حياة سعيده ويغمرها بالحب والحنان يجي قاتل احلامها الزوج السعودي
قاتل الانثى بالسكر والضغط والكوليسترول والجلطات ويسدد شاريينها وآخر أيامها بالدنيا تصير بالانعاش وفي غرفة العناية المركزه
واقووول لكل شاب سعودي يتمرد ويرفع برطم عن برطم ويقعد يعذرب فينا رح شف خشتك بالاول بعدين تكلم
وفي الختام
اقول لكل شاب سعودي الله ياجرنا في مصيبتنا واخلفنا خيرا منها
اللي يبي يتزوج من برا طس باللي مايحفظك
واللي مو عاجبته زوجته ياعله السهاد وقل الرقاد ووجع في بطنه لاراح رجع عشان يعرف ان الله حق
أما البنت السعوديه انصحها بالعزوف عن الزواج كلياً الى ان يفرجها الله
وناخذلنا ناس عدله
وغلطان يامعاند البنات
|