[دافوره هانم]

المشاركة الأصلية كتبت بواسطة نوره حمدان بنات دوبي جايه من محاضرة ريدنق مع مس شادن باقي ربع ساعة ماقدرت اكمل معها اصبر نفسي من بداية المحاضرة تخيلوا تملي علينا الاجابات راح الوقت وحنا دوبنا صفحة 20 قلت لها مس يمدينا نغطي الشابتر؟ قالت لاتعلموني شغلي! هي كلها 6 محاضرات اللي مصبرني بشوف اسلوبها كيف؟ الله يستر من الاختبارات

عادي متخفيش مشي معاها اصلن الاسأله موحده
ولا يغرك شايفه حالها شويه بس تمشي في التصحيح
خليكي معاها رح تخلصو الكتاب سوا هيا البدايه تمشي معاكم التمارين كلها
بعدين تقول مافي وقت وتديكم ياه هوم وورك غير انو كل ماتتقدمو التمارين كلها تتكرر
فاكيد بطيئه عشان تغطي التمرين كويس قبل لاتروحو اللي بعدو
وانها تملي ترا مافي طريقه تانيه المفروض قبل الكلاس تكوني حضرتي وتعرفي تحلي
هيا تشرح الطريقه و تديكي الاجابه النموذجيه لانو اكيد مافي وقت تحلو سوا كل التمارين وكل الفقرات
عشان لمن تجي تزاكري وتحلي تحاولي تكون اجابتك قريبه من المستوى
هيا اسلوبها جاف وماتحب الكلام الكتير بس ترا مرره كويسه خليكي معاها
هيا تتوقع مستواكم يكون مره كويس فلمن يجو بنات مايفهمو ولا يردو عربي تتنرفز ومن حقها والله هههه
وازا مره مابلعتيها خدي منها الاشيا المهمه اش تركزو واش حتجيب والاشياء الخاصه منها ليكم
والشرح شوفي موقع العماده في الريدنق تلاقي شرح مس الاء مره شرحها رهيب وبدون مقاطعة بنات وغلاسه تاخدي المعلومه دايركت


مرره قرقر كتير انا اسفه بس والله حاسه فيكي مو حلو الاحساس دا