[white rose]

المشاركة الأصلية كتبت بواسطة little dreem بعدين ماشاء الله انتي منتسبه ومتخصصه في القسم الله يوفقك اتوقعت انو محد حيقدر يكمل فيه وهو انتساب على حسب كلام النتدى وكلامك انو متعب

هلا عزيزتي

امين واياك الانتساب والنجاح بالقسم امر مو مستحيل اذا كان طموحك قوي وكثير اعرفهم تخرجو من هالقسم والعملية مو صعبة لكن تحتاج وقت وشدددة حيل وتطوير مستمر بالنسبة ليا انا متفرغة للدراسة لان هالتخصص للامانة يحتاج منك تركيز والتخصص متعب لانو كل المجهود عليك

في اول سنة تخصص تعتمدي على حالك وتطوري نفسك وتجمعي اكبر قدر من الكلمات وتسمعي اخبار ومواقع ردايو ثبت باللغة الانجليزية عشان تطوري مهارات الكتابة والاستماع والقراءة بنفسك لانو في قسمنا تتعاملي على انو انتي متعلمة اللغة اساساً ويعلموك استراتيجات تساعدك على الفهم لكن اللغة نفسها لا ما يعلموك هيا فإذا ما كانت عندك حصيلة لغوية ومعرفة بالجرامر وتطبيق له ما راح تقدري تمشي زين ولو لاحظتي بقسمنا نسبة الرسوب عالية وهالشي ينزل المعدل كثير يعني من البداية لازم يكون عندك طموح ورغبة شديدة تدفعك انك تجتهدي مضبوط عشان تحققي حلمك

اما المستويات المتقدمة من 5-8 تعتمد على الحفظ والاسيتعاب والفهم تنقسم فيها المواد الى شقين: شق لغوي زي الرياضيات 1+1=2 تعاريف وتعداد ونظريات والشق الثاني ادبي يعتمد على قراءة روايات + قصص + اشعار وتحليلها وتدريب عملي وفيه مادة بحث ومادة مقدمة في الترجمة

والتخصص بشكل عام ممتع اذا تحبيه وتقدري انك تجتهدي فيه راح يكون تجربة حلوة بس يحتاج شغل من بداية الترم على حالك وانصحك استخيري اولا واخيرا وبعدها قرري .

وترى تجربة شطر الطلاب افضل مننا احنا التعامل معنا غير للامانة بالذات اول مستويين الاسئلة اغلبها من برى الكتب بدرجة كبيرة يمكن 85% وحتى الاستماع تجيك قطع من بره الكتاب ونفس الشي الكتابة مواضيع من بره تكتبي عنها لكن في المستويات العليا من 5-8 تكون من الكتب او لو كان ادب من المواقع اللي تشرح المواد الادبية زي سبارك نوت وغيرها .

وعندك هالرابط راح يفيدك بنبذة عن تخصصنا والمواد :
http://www.skaau.com/vb/showthread.php?t=556090


ربي يوفقك :-)