[رنــــا]

ابي

أبا اظمّك واباالمّـك وابـي حضنـك يدفينـي

أبي قربك نهـار وليـل واهدابـي يغطونـك

أبيك الـدم بعروقـي ونبـض ٍ دوم يحيينـي

أبيك تخالط انفاسي وتشعـل نـار مجنونـك

أبي أدفى معك وابقى وابي ايدينك على ايديني

تلاعبهـا تداعبهـا تلاطـف روح مظنونـك

أبي لا اخطيت تهدينـي تعلمنـي تجازينـي

على الزلّه تحاسبني تعاتب خاطـري بهونـك

والا مني زعلت آبيـك تذوبنـي وترضينـي

بشفافية قلب طيب ولمسـه ونظـره بعيونـك

والا من ضقت تاخذني على صدرك تنسينـي

هموم ٍ ضيّقت صدري وعتب من زايد شجونك

حبيبي إنتَ أبخص بـي تشعّلنـي وتطفينـي

تجاري كل رغباتي بحنان امن اروع جنونـك

أبيك اقرب من اشواقي من النظره وسط عيني

أبيك العمر وعمر العمر دخيلك ضمني لكونك

أبيك تحس باوجاعي بآلام الجـرح توحينـي

وابي منك تذّكر دوم حبيبـك ميـت دونـك