سؤال للبنات .. مالسبب برأيكن في قلة الوفاء والاخلاص بين صداقات البنات ؟؟
مممممم شوفي ازا مسلن على القصة ، فانا اشوف انو البنات بعدو عن المشاكل ، البنت ما تبا تورط نفسها مع جوز صاحبتها ، وتطلع نفسها من المشكلة < تفسيري للقصة الخيالية
اما في موقف البنت الي انشغلت عن صاحبتها لمن اتجوزت ، مممم انا اشوفها منطقية جدا ، حاجة طبيعية انها حتنشغل عن صاحبتها وتكون مع جوزها ،
البنات الآنسات ، دايمن مشغولين مع صاحباتهم ، لو ما انشغلت مع صاحبتها ايش حتعمل ؟ اما لمن تتجوز خلاص في احد تاني تنشغل بيه ومعاه
انا اعتقد انو البنات وفيات مممممم بس كمان لمن يدخل جوزها في الموضوع محا تكون وفية
لانها حتفضل جوزها عن صاحباتها
ممممممم و اشوف انها ممكن تكون تخاف عن المشاكل ، الوحدة تستحمل ، لاكن لو في مصيبة صارت ، تلاقيها تبعد عشان ما تورط نفسها في المشاكل ، ليه ؟ عشان يعني اهلها ما تصير مشكلة معاهم
بينما الاولاد ، ما يخافو من المشاكل ، شفتي كيف في القصة الاولاد كلهم اتحملو مسؤولية جووز الحرمة ، لاكن البنات يخافو يتحملو مسؤولية كبيرة ويحاولو يطلعو نفسهم من الموضوع على طول ،
وعلى فكرة لو تلاحظي اكتر شي الاولاد دايمن يورطو مع اصحابهم ، لانهم يعملو نفسهم الفزيييعة و اللي يساااعدو، طبعن دا شي حلو لاكن اللي مو كويس انهم حيورطو
والبنات اللي مرررررررررررة صداقتهم عالية برضو دا شي مرة كويس ، لاكن ممكن تورط مع صاحبتها لو صاحبتها سارتلها مشكلة ،
//
طولت بالكلام بس عاد ايش اسوي احب التفاصيل هههههههه