[Jasmine Al-Qahtani]

شوفي عزيزتي

انا اشوف انو المعاهد ربطة مادري انا احس انها شغلانه وروحه وجيه وممكن كمان مع الاجازة وقتها مرة يناسب ومرة يتعارض مع شي

فأفضل شي انك عن طريق النت
الوقت اللي مقضيته عالنت حاولي تستفيدين منه
انا مرة سويت اقتراحات عن تحسين الرايتنج بعد فترة معاناة طبعا مع هالمادة
اقتراحاتي كانت كلها مواااااااقع مافيها ولا كتاب لدرجة ان الاستاذة قالت للطالبات انو مو بس المواقع ممكن تطورو بالكتب

شوفي هذا الموقع اسمو
اسرار القرمر
http://www.englishgrammarsecrets.com/
مررة روعه كل يوم خذيلك درسين او ثلاثة وفيها تمارين وكمان تتعلمي الطريقة الصحيحة لتشبيك الفريزز

وايضا اكتبي في قوقل :
How to improve my writing
Grammar lessons

اي مشكلة تعاني منها في اللغه بس اكتبيها في خانة البحث لحبيب الكل قوقل وانتي ان شاء الله تلاقي الحلول
خاصة ان المواقع الاجنبية خدماتها التعليمية رائعة

بالتوفيــيـــق ولا تخلي الرايتنج اكبر همك
خليه شي تستمتعي بتعلمه في الاجازة

وكمان شوفي الروايات اللي اشتريتيها او اي مقال من النت
اطبعيه وعيدي كتابته كذا مرة حيتكون عندك حس كتابي تعرفي كيف تتشبك الجمل والقرمر الصحيح والترانزشنز
خذي البرقراف واقريه مزبوط وافهميه وعيدي كتابته
حتى بتلاقي كلمات جديدة ومميزة تدخل لكتابتك

الله ييسرلك