السلام عليكم
اولاً احب اشكرك اخوي الغالي (صحيفة شمس) على مبادرتك وصدقني حنا معك باللي تبيه بس نبي صوتنا يوصل للمسؤلين
انا هنا لن ازيد على كلام الاخوان بشيء
من تذاكر سفر وحجوزات بالصعوبة نلقاها وسكن وحالتنا حاله واجار سيارة معاناة والله الواحد يروح جدة اسبوعين يصرف فيها راتب ثلاث اشهر وربي حرام
لكن ومع ذالك كله انا بكل صراحه انا مع كلام الاخ
سطام الشتوي
قضية ان تكون دراسة مرحلة البكالوريوس او الماجستير دون مقابل مادي اعتقد بأنه من الصعب تطبيقها لان الفترة في مرحلة البكالوريوس لا تقل عن ثمانية فصول دراسية وهذا دخل كبير للجامعة ويفيدها في تطوير مشاريعها المستقبلية والتنموية ( واذا ارت ان تطاع اطلب المستطاع ) ، عليه من وجهة نظري ارى بأن يتم الرفع بطلب النظر في تخفيض الرسوم الدراسية من ثلاثة الاف ريال كرسوم دراسية فصلية الى رسوم دراسية حسب الساعات المسجلة بحيث تصبح قيمة الساعة الواحدة ( 100 ) مائة ريال بمعنى يتم حساب الرسوم مقابل عدد الساعات المسجلة وليس بالفصل الدراسي كما هو الحال الان .
مثال :
الوقت الحالي :
الفصل الدراسي يكلف 3000 ريال سواءاً كانت الساعات المسجلة 3 ساعات او 21 ساعة وينطبق ذلك على الفصل الدراسي الصيفي .
لو طبق الاقتراح :
لنفرض طالب قام بتسجيل عدد ( 12 ) ساعة
وطالب أخر سجل عدد ( 18 ) ساعة
تكون رسوم الدراسة للطالب الاول 12 * 100 = 1200 ريال
وتكون رسوم الدراسة للطالب الثاني 18 * 100 = 1800 ريال
وهكذا
والله ولي التوفيق ،،،
|
فكرة نظام الساعات منطقي جداً
يعني تخيل واحد راسب في مادة وحده وبينزلها بالصيف مو حرام انه يدفع 3000 ؟؟؟
انا ارفض بشدة بكل صراحه انه نعفى من الرسوم بشكل كامل اللي عنده ظروف يقدمها وان شاء الله الجامعه ماراح تقصر معه ويعفونه
(رأي شخصي)
لكن لو طلبنا انهم يشيلونها مرة
اولاً : راح يدرس الموضوع بين خمس الى ست سنوات وبكذا تخرجنا من الجامعه وحنا نعاني!!!
ثانياً: سيكون ضغط كبير على الجامعه ويتقدم للجامعه كل الناس الجاد منهم والغير الجاد
فـ كأني ارى بعض الشباب يقول انتساب بروح وقت الاختبارات واذا مشت كان بها والا ماظرني شي !!! (هو المستفيد اكيد يمكن حتى مايروح الاختبار بس ياخذ الافادة انه في اختبار وهو في بيتهم !!!!)
هذا الشيء بيزيد الضغط مثل ماقلت على الجامعه فـ الخوف كل الخوف انه يجي يوم من الايام يأخذ احد الاشخاص الغير جادين مكان انسان جاد وعازم على الدراسة ولا يستطيع بسبب امتلاء الشعب مثلاً او الاكتفاء !!
وحنا نعرف انه التسجيل كل سنة وليس كل ترم وهذا بيحبط عزيمة الجادين بشكل كبير
فـ حنا مو طماعين بكل صراحه اللي نبيه
100 ريال لكل ساعه او 300 ريال لكل مادة
اخيراً اخوي جريدة شمس احب اشكرك على مبادرتك والله يجعل حل هالازمة على يديك