عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-05-2010, 04:22 AM   #9

ميعاد

يارب لك الحمد

الصورة الرمزية ميعاد

 
تاريخ التسجيل: Jul 2009
التخصص: pharma D
نوع الدراسة: إنتظام
المستوى: متخرج
الجنس: أنثى
المشاركات: 2,211
افتراضي رد: لــكل دآرســي الصيدله

المشاركة الأصلية كتبت بواسطة pharm.d .s مشاهدة المشاركة
عندي اســئله لو سمحتوا بماانكم درستوا صيــدله ..

1/ما هي الصيــدله بالنسبة لك ؟؟
الصيدلة تخصص متعب وممتع للغاية

2/ مامستقبل متخرجوا الصــيدله ؟؟
انا اكتر من مرا قلت المستقبل بالنسبة لتخصصنا مفتوح في مجالات مرا كتير وهوا التخصص الوحيد الي فية دي الميزة يعني شركات الادوية الجامعات وكمان المستشفيات وفي مكان جديد الي هوا هيئة الغداء والدواء السعودية
3/ تكلم/ــي عن التخصص ؟؟ هل هو أفضل التخصصات أم (المساحه لك) ؟
انا كنت بدي اسنان او ادارة واقتصاد
والحمدالله ما انقبلت اسنان لانو بصراحة اكتشفت انو مو مناسب ليااا شخصيااا
اما ادارة واقتصاد اكتشفت انو بعد ما اتخرج ممكن اكمل بزنسس لو اخترت شركات الادؤية كمجال ليا او اتخصصت فارماكواكونومي ودا من التخصصات الرائعه بصراحة والحمدالله اتحقق حلمي بطريقة غير مباشرة .
4/ ماهي المهارات التي يتوجب وجودهااا بالصيدلآنــي /ـه ؟

مرا جا دكتور بندر طلعت مدير شركة النهدي الطبية وصراحة شخصية ممتازة للغاية وتخلي الشخص يتفائل
قال حاجة مرا مهمة كل انسان عندوا مهارات غير عن الشخص التاني وعندوا ميزة ماهي موجودة عند ناس تانين ودي الانسان يكتشفهااا مع العمل
الشاهد انووو مافي حاجة معينة لازم يكون فيها الصيدلي واو مرااا عشان ينجح عشان في مليون مجال في الصيدلة مثلا لو واحد مرا واو في الدزاينيغ لو اشتغل في شركة ادوية ممكن يشتغل كوليتي
لو واحد مرا واو في الماث ممكن يشتغل في البزنسس او في المستشفى اي في روم وكدا بالنسبة للكلية اتوقع الواحد لازم يكون عندوا مقدرة على الحفظ ولو ما توفرت عادي كل انسان يقدر يمشوا نفسوا يعني انا ما كنت اقدر احفظ وفي كورسات تحتاج حفظ فضيع زي الفارما والمايكروا فكنت ازاكرها 3 مرا واسمي الاسماء باسماء اخواتي وفي اشياء احفظها بالمكان وبصراحة اخترع اشياء تساعدني احفظ والحمدالله كلها سنة واتخرج

5/هل جامعة الملك عبدالعزيز سوف تخرج صيدلآنــي/ــه أكفاء ؟ (موجهة لطلبة الجامعة من واقع ما ترون)

يقولوا مناهج الكلية تبعتنا ماخودة من نظام الجامعات بامريكا والصراحة ما يعتمد على المنهج ولا يعتمد على الكلية يعتمد على الطالب ماشاءلله في بنات في الكلية احس معلوماتهم بدرجة دكتور مو طالب في الكلية فالانسان لو يبغى يتعلم يبحث ويطور نفسوا بغض النظر عن الكلية

6/ سؤال تقترحـ/ــي وجوده من ضــمن الاسئله ؟؟
-
7/ ايش أصعب الأشياء التي تقومون بها عادة ..؟
بعد 5 سنين الصراحة اليوم حسيت انو الكلية مرت بغمضة عين لسة فاكرة اول يوم دخلت الكلية واول محاضرة اخدتهاااا واول دكتورة اعطني لكتشر وقد اية كنت اتمنى اخرج من الكلية باي طريقه
بس الحمدالله بعد دا المشوار كل الصعوبات الي واجهتنا احسها ولا شيء
والشاهد في كلامي التدريب الصيفي رغم اننا ما بنعمل شيء بس نجي من الدوام مهلوكين من التعب
بالعربي انبسطي في الكلية <<<< ما ابغى اتخرج غيرت رائي

8/ وايش أكثر الأمور الممتعة في دراستكم ومن خلال التطبيق ..؟
المعامل مرا روعه كل معامل الكلية التخصص رهيبة باستثناء الفارما لانو ما احب الفيران بصراحة

9/وايــش طموحاتكــم بعد التخرج ,,.؟
والله انا من الناس الي حاطة لستة مرا طويلة للاشياء الي ناوية اسويها وان شاء الله ربي يوفقني واسويها كلهااا بس اكتر شيء ابغى اركز على الناحية الاكاديمية
ماسبب اختياركم لكــلية الصــيدلــه؟!!

دا السؤال اتسال ليا وانا في مقابلة شخصية وقلت انو الصيدلة اختارتني والحمدالله انو انا صيدلة لانو العمل فيها ممتع وفي مجال للابداع والفكر ويارب اكون صيدلانية ممتميزة واحقق احلامي كلهااا
وكيف تتأكد بأن الــصــيدلــه هو القسم المناسب لك..؟
ربنا وفقني وحطني في دا التخصص والحمدالله على التوفيق

10/مــسآآحه حــره لــكم ..وارائكم عن الكليه ..

الكلية في ضغط نفسي ومعنوي وتعب وارهاق ولحظات يتمنى يكون برا الكلية بس النتيجة رائعه يعني اليوم في ملتقى الخريجات 4للكلية حسيت انو احنا قربنا من التخرج والله كل التعب الي تعبناه راح ومن جد حسينا بزعل لانو ما نبغى نسيب الكلية

ربـــي يسعدك ويوفقكي عالرد..
وياربي تتخرجي باعلى المعدلات ..

شاكره لك وقفتك معانا..

والله يوفقك فيــن ماكنتي..

 

ميعاد غير متواجد حالياً   رد مع اقتباس