شكرا يا بنات على التفاعل
الاسواق الفورية تحدد اتجاه اسعار النفط في الاسواق الاجلة ( صح ) << في المحاضرة أخدناها
و بالنسبة للعوامل المؤثرة على الطلب على النفط هيا نفس العوامل المؤثرة على الطلب على السلع والخدمات ( صح ) << وحتلاقيها في التعدادات معطينا هي
هي مو نفس بعض في كل النقاط بس في نقاط نفسها
كتكوتة انا معاكي في دا الكلام بس صراحة ابغى اتاكد عشان البنات بيقولو غير كدا ودا الدكتور صراحة طريقة تفكيرو عجيبة انتي متأكدة 100% عشان انا حليت كدا والعلامة كانت 25 من 40
نسيم بالنسبة لسؤالك صح هو جاب عن الدول المستهلكة
بس هو في المحاضرة مااعطانا غير عن الدول الصناعية والنامية ( الغير منتجة ) والمصدرة
حتى انا ابغى أعرف ايش اثر الانخفاض ع الدول المستهلكة
من جد يبنات اللي يعرف الجوااب ينقذنا
جاب خصائص اسعار النفط في المرحلة مابين 1975 - 1980 م ؟؟ << أنا افتكر انو جاب حقت دي الفترة يانسيم لانو جاوب عليها في آخر محاضرة
بس والله مدري يمكن انا ملخبطة ~_~
لا منتي ملخبطة ولا شي بس جاب دي والنموذج الثاني الفترة من1980-2000
وجاب كمانه اثر انخفاض اسعار النفط في الدول المصدرة ؟؟
وفي النموذج التاني جاب ايش أثر الارتفاع ؟؟ << فهناااا الجواب حيكون بالعكس عكس أثر الانخفاض
مو دا السؤالهوا حق الدول المنتجة والدول النامية والمستهلكة ولا يتهيألي
نسيم بالنسبه للسؤال حق ماهو أثر انخفاض اسعار النفط على الدول المصدرة-على الدول النامية الغير منتجة-على الدول المستهلك
ترى هاذي كانت محاضره كامله بس شكلها ناقصه عندك ؟؟؟؟؟؟
تولين احنا عندنا في الدفتر على الدول المنتجة والدول الصناعية وعلى الدول النامية الغير منتجة بس ماعندي صراحة على الدول المستهلكة لو عندك ياريت تفيدينا
ونسيم تفتكري ايش هيا الاسئله اللى قال حيجيبها من برا او لا
بالاضافة للي قالتو كتكوتة
ماهي علاقة النفط بالدولا ؟؟
وعلاقة النفط بالذهب ؟؟
وعلاقة النفط بالأسواق المالية ؟
*ماهو الرقم الذي بنيت على اساسة الميزانية السعودية
سامحوني على منظر الرد بس مافيا اعدلو واكتب من اول وجديد