هوا دا اللي انا بنتكلم عنه التقييم من رئيس القسم ونائب رئيس القسم راح يأثر في التوظيف البعض، لانو العام الماضي لما كنت اتكلمت مع المشرف تبعي اللي يديني اشغال شرح لي كيف التوظيف قال احتمال اتوظف بقسمهم على طول بعد التخرج او قسم تاني قبل مايوظفوني راح امر بجميع الاجراءات الاختبار ثم المقابله الشخصيه وبعدها قبل التوظيف هما راح يستفسروا من الشخص اللي اتدربت معاه كيف انا كنت معاهم انا وحده اثبت جدارتي للاشغال اللي هما ادوني هوا ولا انا وحده ماكنت اهتم اغيب كتير ولا اسمع كلامهم واديهم الشغل ناقص، حتى رئيس القسم تبعي قال انو كل رؤساء ونوائب الاقسام يقيموا للطلاب والطالبات التدريب عشان لما يجوا يقدموا للتوظيف راح يطالعوا تقييم الطالب/ه في السيستم ازا اتدرب بالشركه قبل التوظيف.
|
مع احترامي للي كلمك في هذا الموضوع سواء مشرف او رئيس قسم
لكن كلامه ماهو منطقي البتة لأننا ما نتكلم عن موظف نتكلم عن متدرب لو على كذا يشيلوا فترة التجربة اللي هي ثلاث شهور لأنهم متاكدين من الطالب بناء على الـ 8 اسابيع او اقل اللي تدرب فيها
الوظايف ماهي مقتصرة على طلاب تدربوا بارامكو في ناس منتشرين تدربوا بكل مكان في السعودية وجايين يقدموا على ارامكو في التوظيف فمافيها انصاف لو ارامكو تاخذ اللي تدربوا عندها بجدية وتشوف معلومات عن تدربيهم وبقية المتقدمين اللي تدربوا من شركات اخرى تكتفي بشهادة التدريب حقتهم لا يمكنك بأي حال من الاحوال تعتمد على تدريب زي التدريب الصيفي في توظيف الناس
وبعدين وش موقفهم من الناس اللي تدربوا بمجال غير مجالهم ماهو ذنبهم بتاتاً
على اي اساس يتم التقييم ؟؟
لو بنتكلم من هنا لبكرة اقدر اجيب لك ادلة كثيرة تخليهم ما يهتمون بالتدريب الصيفي ويكفي انك تسألين موظفين ارامكو وعن علاقة التوظيف بالتدريب بيقولوا لك منفصلين تماماً ومافيه علاقة مباشرة