[.. بيســـان ..]

هل يا طالبات هذا المستوى بتواجهوا صعوبات معينة في المذاكرة

ما أخفي عليكي ولا أحب أقول " مافي شيء مستحيل " و أنسى الواقع
ايوة بنواجه صعوبات و فجوات كبيرة في مادة اللغويات والأدب

الدورات التأهيلية ما كانت تكفي لتغطية المنهج أو هل مواد هذا الترم فيها صعوبة إنه الوحدة تذاكرها لحالها؟

أنا من البنات المؤيدين بان الدورة التأهيلية غير كافية جدا للمستويات المتقدمة في التخصص
و المواد صعب تذاكريها لحالك تحتاجي مصادر أخرى غير الكتب
لكن بشكل عام لو متوفرة عندك مصادر ممتازة تساعدك زي مواقع الكترونية .. فتقدري تذاكريها لحالك بإذن الله

هل لو حضرت بإذن الله تعالى الدورات التأهيلية اللي تخص هذا الترم وإستفسرت من الأستاذات عن كل شيء خلال فقط هذه الأيام...هل هذا يكفي بأني أذاكر بعدها لوحدي وأنا فاهمة كمان إن شاء الله؟

لو حضرتي الدورة بتستفيدي اكيد لكن برضو بتنتهي الدورة و انتي بعدك عقلك مشوش بخصوص المواد.
المشكلة تكمن بإنو المناهج دي جديدة علينا نحتاج تدريب أو تعليم أو تمارين اكثر
لكن أكيد في حل دايما .. في مواقع مجانية تعطيكي تحليل للقصص والمسرحيات و الروايات
أو ممكن تطلبي من الدكتورة محاضرة إضافية أو تجي مكتبها
أو تدوري في المنتدى عن المواضيع القديمة اللي ممكن تساعدك تذاكري لحالك

كان عندي مشكلة الترجمة اللي بيعانو منها الجميع و وحدة من البنات سألت الدكتورة عن ده الشيء
فكان ردها إنو خطأ فادح تترجمي كل كلمة موجودة فقط ترجمي الكلمة المهمة
اللي انتي حاسة انو فهم النص واقف عليها

رجعت البيت و طبقت كلامها على مادة اللغويات .. و جزاها الله خير
الحمد لله صرت أفهم المحتوى بسرعة من دون ما أترجم كل شيء و بختصر الوقت كمان

و صدقيني الموضوع بالنسبالي بيصير أسهل .. حاليا فقط صراع مع الوقت حتى الاختبارات
يا ألحق يا ما ألحق .. الله أعلم

هذا هو عقبتي الوحيدة ( الوقت )