[أم أسيل]

المشاركة الأصلية كتبت بواسطة ستأتي أيامي السلام عليكم ورحمه الله وبركاته ,, كيف الحال يارب الكل يكون بخير وصحتو عال العــــــــــال , صحيح أجلولكم الاختبار بسبب الظروف الجوية لكن رب ضارة نافعة ,هاذي بعض الأسئلة اللي اتذكرتها ، كتبتها على طول عشان تستفيدوا ان شاء الله , . . الله يسعدك ويجزاك خير حلو انك متذكرة شي انا بالمرة الذاكره انمسحت لكن بحاول استرجع معاك الاسئله واي شي اتذكره اسمحيلي اضيفه للموضوع الجزء اللفظي كان 3 أقسام كل قسم فيه معاني الكلمات ، التناظر اللفظي ، واكمال الفراغات ، والرسم البياني ، استيعاب المقروء . الأسئلة , ما معنى كلمة : 1- آب : الجواب رجع 2- رمقه : الجواب نظر اليه 3- المغبة : مو مفتكره الاختياارات 4- الندى : الاختيارات اللي معاها كانت غريبه انا حطيت سراب 5- الجديدان : ؟؟؟؟؟؟ 6- سنا : ضوء القمر وفي كمان مج الماء: وحاطين اربع اختيارات منها ابتلاعه - اخراجه - استساغه والاخيرة ناسيتها وفي غيرها كثير بس هاذي اللي في بالي ، و الخيارات مو متذكرتها بس تقدرا تجيبو المعنى المزبوط من كتب المعاجم , التناظر اللفظي ، 1- طارف : تليد . 2- كتابة : تحرير . 3- لطم : يد . 4- نطفة : علقة . 5- نشأ : ترعرع . 6- سفينة مرساة . وفي كمان فلاح: زراعه وفي غيرها طبعا وكمان هنا مو مفتكرة الخيارات بس حاولو تعرفوا ايش العلاقة عشان تسهل عليكم استيعاب المقروء ، أربع قطع على كل قطعة 6 أسئلة ، الأولى كانت عن اكتشافات الطب الحديث ، الثانية كانت عن علو الهمة , ونسيت الباقي ^^، اكملي الفراغ ، كانت سهلة وواضحة , الرسم البياني ,, سهل جداً ، لا يغركم الجدول والرسمه وتحسبوها أسئلة صعبة ، كلها مجرد تشوفي النسبة وتكتبيها بس , السؤال الأول كان عن القلق وأثره على التحصيل الدراسي وجا عليه 3 أسئلة السؤال الثاني كان عن مرضى غسيل الكلى والأجهزة ( الله يشفيهم ) وجا عليه سؤالين , الجزء اللفظي عموماً سهل وخلصت فيه قبل الوقت بس الحوسة كانت في الكمي ,:( صادقه الكمي كانت حاله خاصه بصراحه نجي للقسم الكمي ,, كان قي قسمين في الاختبار كلها كمي ، كل قسم فيه 22 سؤال والزمن 25 دقيقة للقسم الواحد ، الوقت جدا ضيق ولازم تتعلمو تحلو المسائل بسرعة ,, القسم الكمي الأخير كان باقي 5 دقايق ويخلص الوقت و باقيلي 7 أسئلة ، واجاباتي الـ 7 كلها تخمين بسرعة ، الله يستر من النتيجة , : ( نفس حالتي الله يستر بجد الحمد لله ما جانا أي سؤال عن الزوايا ، كنت شايله همها مره ’ 1- 2 جذر 24 + 3 جذر 54 = . 2- 10 أس3 + 10 أس 2 + 10 = . 3- سلتين بيض مجموع ما بهما 320 بيضة إذا كانت ما تحتوية السلة الأولى هو(نسيت الرقم ) وما تحتوية السلة الثانية أكثر بـ 70 مما تحتويه السلة الأولى ، على كم تحتوي السلة الأولى ؟ . 4- رجل لديه أرض مساحتها 154 م إذا حرث في اليوم الأول 2\7 ( اثنين على سبعة ) وحرث في اليوم الثاني مثلي ما حرث في اليوم الأول ، ما هو مقدار ما حرثه في اليوم الثالث ؟ . 5- أرمل لديه أطفال تزوج من أرمله لديها أطفال وبعد 10 سنوات من الزواج كان مجموع الأطفال جميعا 12 لكل واحد منهم 9 ، كم طفلا أنجبوا في هذا الزواج ؟ . 6- قطعة قماش قيمتها 400 ريال اشترى رجل 10 قطع بقيمة 3600 كم نسبة الخصم التي حصل عليها ؟ . 7- عمر أحمد قبل 13 سنة يساوي 9 أمثال عمر ابنه الذي يصبح عمره بعد سنتين 6 سنوات ،كم عمر أحمد ؟ هذا السؤال فقع مرارتي . 8- 3 عمال حفروا حفرة طولها 3 أمتار وعرضها 3 أمتار وعمقها 3 أمتار في 9 ساعات , كم المدة التي يستغرقونها لو كانت الحفرة طولها وعرضها وعمقها 6 أمتار ,؟ . 9- مربع لما طويناه من المنتصف صار مستطيل مساحته 12 وجلسنا نطوي فيه الين صارت مساحته 3 أو 9 كم مرة طويناه ؟ . 10- في سؤالين جات عن أي الكسور قيمتها أكبر وكان الكسر الأول مثلا 3\7 ( 3 على 7 ) والكسر الثاني 1و4\5 ( 1 و4 على 5 ) يعني الواحد عدد صحيح وجنبو كسر 4\5 ، يعني لازم تعرفوا الطريقة اللي نحولها من عدد صحيح وجنبو كسر لعدد كلو كسر ,, مثال للتوضيح 1و4\5 طريقة الحل = 4 + ( 5×1 )على 5 يطلع الناتج 9\5 ( 9 على 5 ) أكثر من سؤال بهذه الطريقة ركزوا عليها ’ القسم السادس كان ذكاء اسئلة اكملي الشكل الناقص .. اللي ما تفهم على شرحي أعيد لها مافي مشكلة , مثلا 4 مربعات : داخل المربع الأول مثلث راسو ع فوق ، المربع الثاني مثلث راسو ع اليسار المربع الثالث مثلث راسوا ع تحت المربع الرابع فراغ ، الجواب حيكون مثلث راسو ع اليمين هذا المثال سهل جدا ، بس الأسئلة اللي في الاختبار يبغالها تركيز مرررررررررره ومايكون شكل واحد اللي يتغير أكثر من شكل ’ أسئلة ما هو الشكل الذي لا ينتمي للمجموعة ,ليس له علاقة ، 1- 4 أشكال 3 أشكال منهم لو ركبناها مع بعض تطلع مربع . 2- b , f,g,h أنا اخترت البي لأنو باقي الحروف كلها ورا بعض ما عدا البي بعيد عنهم بـ 3 حروف . 3- أسئلة المكعبات 5 أسئلة يمكن ، يجيبوا أشكال لمكعبات مفتوحة كل مربع عليه رسمه غير ، لو طبقنا المكعب ايش الشكل اللي حيطلعنا وجايبين أربع خيارات ’ متشابهة مرررررررررره حسبي الله عليهم , في سؤال أتوقع اللي كتبوا محشش صراحة ، مو مفهوم أبداً , إذا كانت بعض الفيلة تغرد ،وبعض الفيلة تطير ، وإذا كانت بعض الأسود والفيلة تعوم ، اختاري الاجابة الصحيحة من التالي , بعض الأسود تغرد ، كل الفيلة تعوم ... الخ وحاجات هبلة زي كذا مافهمت راس السؤال من رجلو ، شي عجيـــــــــــب جدا , طبعا السؤال مو بالنص لكن مشابه للسؤال اللي كتبتو , هههههههههههههههههههههههههههههههههههه بجد سؤال غبي ومافيه كلمتين تركب على بعض والله اني قعدت اضحك في الاختبار شكل المراقبه افتكرتني انهبلت حبيت أنبه على حاجة انو الأرقام يمكن ما تكون نفسها لأنو مو معقول أتذكرها بالنص ، لكن أرقام مشابهة ، اللي عليكم انو تفهمو الفكرة حقت السؤال وعلى أساسها تعرفوا طريقة الحل ,, في الأخيـــــــــــــر مره بعد ما سحبوا الأوراق التعليمات اللي في العرض كان منها واحد يقول لا يحق لأي طالب نشر الأسئلة بأي وسيلة كانت ، طيب سؤال يطرح نفسو ،، ليش لا يحق ؟؟ ما وقعونا على إقرار يمنعنا إنو ننشر الأسئلة ، ومافي شرط من الشروط اللي في موقع قياس إنو ممنوع ننشر الأسئلة ، وكل التعليمات اللي قالوها في العرض الدكتورة والمراقبات يرجعو يعيدوها علينا إلا هذي الفقرة ’ ، بناء ً على ما سبق ،، تم نشر الأسئلة ,, : ) بالتوفيق للجميع ،، وفالكم الماجستير ،،

الله يوفقك ونجيب كلنا درجات تفتح النفس