عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 25-08-2012, 02:20 PM   #7

سكون الورد ^_^

جامعي

الصورة الرمزية سكون الورد ^_^

 
تاريخ التسجيل: Feb 2012
التخصص: طبيب امتياز قسم الباطنة
نوع الدراسة: إنتظام
المستوى: السابع
الجنس: ذكر
المشاركات: 159
افتراضي رد: كم عدد سنوات كلية الطب ؟

المشاركة الأصلية كتبت بواسطة Lujain :) مشاهدة المشاركة
-


طيّب التخصصات كم سنة :"$ ؟

مثلا / جرآحه , عيون
بالنسبة للبرامج الطبية بعد التخرج تختلف وين الشخص يبغى يمكل دراسته بعد التخرج

يعني مثلاً شخص يبغى يكمل البرود السعودي يقدم على هيئة التخصصات الصحية في وزارة الصحة و تقبله في أحد برامجها بغض النظر عن التخصص اللي راح أتكلم عنه بعد شويه

أو يكون الشخص مثلاً يبغى يكمل التخصص حقه في أمريكاً لازم يجتاز إختبار البورد الأمريكي اللي هوه من مرحلتين عشان يدخل المنافسة في القبول وليس القبول و برضو كندا لها إختبار للإجازة

نجي نتكمل ع التخصصات هنا في السعودية

التخصصات باطنة أطفال نساء و ولادة جراحة عامة هذي البورد حقها مدته 5 سنوات وبعد كذا الواحد يكمل كم سنة ع حسب التخصص ويصير إستشاري مثلاً النساء و الولادة ياخذ سنتين بعد مايجتاز البورد ويصير إستشاري في التخصص الدقيق اللي يبغاه أورام أمراض نساء... إلخ

و العيون و الأسرة و المجتمع و الطوارئ و الأنف و الأذن و الحنجرة و الطب النفسي و التخدير و العناية المركزة هذي البرود حقها 4 سنوات وبعد كذا التخصص الدقيق ع حسب التخصص لكن عادة مايزيد عن سنتين

في أمريكا وكندا

يتوجب على الشخص إجتاز إختبار USMLE Step 1 & Step 2 عشان يدخل للمنافسة و المعروف عن التجهيز يأخذ من سنة ونص إلى سنتين عشان تخلص هذي الإختبارات و إذا خلصتها تدخل في المنافسة على التخصص وليس القبول في التخصص و طبعاً القبول فيها تكون تتنافس مع ناس من الهند و الصين و اليابان و كل دول العالم .. يعني مثلاً فيه مركز فتح القبول لـ 50 شخص في تخصص جراحة العظام يكون هناك 40 أو 45 مركز للمواطنين الأمريكيين و 10 أو 5 مقاعد عالمية لجميع دول العالم فالقبول هناك يكون صعب شويه

و برضو في كندا لابد على إجتياز إختبار MCCEE للدخول في المنافسة على القبول في التخصصات لكن نسبياً أسهل من أمريكا في القبول

هذا شوية أشياء حبيت أفيدكم فيها

و أنتو باقي صغار شدو حيلكم ألحين في الأناتومي والبايوكمستري و أخواتها و هذا خلوه بعدين أهم شي تشدون حيلكم في الدراسة و تتعلمو كويس ولاحقين ع وجع الراس هذا

بالتوفيق حبايبي

 

توقيع سكون الورد ^_^  

 

أن تأتي متأخراً خيراً من ألا تأتي نقرتين لعرض الصورة في صفحة مستقلة

 

سكون الورد ^_^ غير متواجد حالياً   رد مع اقتباس