[i still feel ya]

المشاركة الأصلية كتبت بواسطة ام حمدان سلامتك ياقلبي ربي يشفيك ويقومك بالسلامه ويبعد عنك كل مكروه ويعينك ويفتح عليك اللهم امين...ياقلبو هونيها وتهون حتى انا عندي 6 مواد وكل وحده تقول الزود عندي لكن ربك معانا وقادر يسهل هالمواد علينا اللهم امين يارب تتسهل امتحاناتنا ياارب البحث صح الكتاب مرره شرير انا قاعده اقراه واتصفحه هالايام ومرره مطفشني لكن عندي امل في الدورة مس نجوى نفهم منها اهم النقاط ونشوف الماده اسهل لان شرحها ماشالله رائع ربي يحميها وإن شاء الله ننقلكم الامور الي ركزت عليها والله انا شوفت الكتاب ددددش كتيرالباب الاول والخامس مزعجين بالاخص الاول موووقرف فروحت لخصت من نفسي وحدفت اشياء يعني حتى استوعب وبعد الدوره ان شاء الله هنشوف المهم ونحفظو وترى فيه بحث نعمله او بالاصح بروبوزال (مقترح بحث) عليه 30 درجه بس إن شاء الله سهل ومس نجوى حتمشي معنا خطوه خطوه فيه كلنا وحتتواصلوا معها عن طريق الايميل وتعطينا مده محدده لكل خطوه ولو حصل اي تغيير والغت البحث او حذفت لنا شي من الكتاب اكيد بنبلغكم يا حياتي انتي..تصدقي والله انا بفكر ابدا اعمل بروبوزال من دحين قبل الزنقا..ما اعرف متى اقدر انزل ايام الدوره..بس ان شاء الله هنزل اول يومين حتى اشوفك يا عسل مراا وحشتيني.. والي عدوا الماده قبلنا بدرجات عاليه مو احسن مننا فحطي فبالك انك تقدري واجتهدي وتوكلي على ربك وربي حبيبي قادر يكرمك ويكرمنا بالنجاح باعلى الدرجات اامين يارب ينجحنا فيها باعلى درجات والله بنشد حيلنا كتير لوو كان حبل انقطع من قد ما بنشد فلا تشيلي هم كثير ولاتضغطي نفسك لو عندك مواد ممكن تاجليها فاحذفيها وخففي على نفسك صحتك اهم من اي شي في الدنيا يا حياتي المشكله في بابا زااعجني يبغاني اخد 24 ساعه في فصل واحد..تخيلي..قلتلو روح اتفاهم معاهم بنفسك مايجي غير 18..والمعدل اتعجن ااه يا ويح قلبي والله القولون والضغط جاتلي من الجامعه ولاتنسي تقري الرابط الي حطته لك نور العمر لانه مهم وفيه تجربه وحده من الطالبات في ماده البحث وحاطه بحثها كنموذج عشان نقيس عليه وكاتبه معلومات مهمه عن الماده ربي يسعدها بجد ماقصرت

ليتل ستار..ربي يسعدها ويرزقها من اوسع ابوابو العسل دي بجد عملت فينا خير ما ننساه..
تسلميلي حبيبي .ربي يسعدك يا عسل